اسلام آباد۔ 13اپریل (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی ہائر ایجوکیشن کمیشن نا شونداری ڈٹ آتے کن جم وڑاٹ داوخت اسکان 13 ارب 34 کروڑ 73لکھ روپئی آن زیات نا فنڈ جاری کرینے ۔ حکومت ہائر ایجوکیشن کمیشن نا شونداری کاریم تے کن 21 ارب 48کروڑ نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ اسلامیہ کالج یونیورسٹی پشاور اٹی بوائز اینڈ گرلز ہاسٹل نا جوڑ جاڑ کن 10 کروڑ، ویٹرنٹی اینیمل سائنس راوی کیمپ پتوکی کن 25 کروڑ، کامسیٹس انسٹیٹیوٹ ایبٹ آباد کن 22 کروڑ، فاٹا یونیورسٹی نا اسٹیبلشمنٹ کن 8 کروڑ 50 لکھ، شہید بے نظیر بھٹو یونیورسٹی سندھ اکن 20 کروڑ، نارووال اٹی یونیورسٹی آف انجینئرنگ اینڈ ٹیکنالوجی لاہور سب کیمپس اکن 40 کروڑ، فل برائیٹ اسکالر شپ سپورٹ پروگرام کن 50 کروڑ، ایم ایس لیڈنگ ٹو پی ایچ ڈی پروگرام کن 55 کروڑ، ملک انا تہٹی پی ایچ ڈی پروگرام کن 65کروڑ، اوورسیز اسکالر شپ اکن 60کروڑ تون اوار چندی شونداری ڈٹ آتے کن فنڈ جاری کرینے۔
