اسلام آباد۔ 13اپریل (اے پی پی) قومی اسمبلی ٹی قائد حزب اختلاف سید خورشید شاہ پارینے کہ اخس کہ دہشت گرد ئُ و دہشت گرد آتا کمکار ئُ اوفتے سزا تننگے ولے پارلیمنٹ و آئین نا شرف ئِ کننگے۔ پنچ شنبے نا دے قومی اسمبلی نا دیوان اٹی خیال آتا درشانی ئِ کرسا سید خورشید احمد شاہ پارے کہ داریاست نا نظام ئِ پارلیمنٹ ئِ سوگو کننگ کن پارلیمنٹرینز آک کڑد ادا کرینو۔ سید خورشید احمد شاہ مسہ بے گواہ بندغ آتا معاملہ غاتوجوہ مبذول کرفساپارے کہ ننا فوج ضرب عضب و ردالفساد نا جنگ ئِ کننگ ئِ۔ ہرابندغ آک ہلنگر اوفتے کانودی حق تننگے۔ نن اوفتے پارسا پاپنہ و نئے اوفتے ہلنگ نا خواست کینہ۔ اوپارے کہ اپوزیشن اٹی مرسا ہچ ئُ فائدہ اس ہلتون۔ نن فرینڈلی اپوزیشن نا طعنہ غاتے ہم بِنگن اُن۔ نن پارلیمنٹ، ریاست و آئین ئِ سوگو کننگ کن ہرطعنہ ئِ سگان، ننے گوگو کننگ آن بیدس اواری اٹ ویل آتے ایسر کروئی مرے۔ داڑتون ہی اپوزیشن لیڈر پارے کہ مسہ بے گواہ کارندہ غاتا معاملہ غاتیا نن ایوان آن واک آﺅٹ کینہ وداڑتون ہی پیپلزپارٹی ، قومی وطن پارٹی و جماعت اسلامی نا باسک آک ایوان آن واک آﺅٹ کریر ولے ایلو اپوزیشن باسک آک اوفتے تون سلتوس۔ اسپیکر سردار ایاز صادق وزیر مملکت کیڈ ڈاکٹر طارق فضل چوہدری ئِ اپوزیشن ئِ راضی کرسا پدی اتنگ کن گدریفے۔
