راولپنڈی۔ 12اپریل (اے پی پی) پاک فوج انا سروک جنرل قمر جاوید باجوہ چندی آپریشن تیٹی بہادری نشان تروک آ 69 افسر و رناتے ستارہ امتیاز (ملٹری) ، تمغہ بسالت و تمغہ جیرت تس۔ پاک فوج انا شعبہ تعلقات عامہ نا رداٹ چارشنبے نا دے جی ایچ کیو راولپنڈی ٹی افسر و ورناتے اعزاز تننگ کن اسہ پروقار ئُ دود اس اڈ ہلک۔ دود اٹی پاک فوج شہید و غازی تا خاہوت آتا بھلو کچ اس ساڑی ئسر۔ آرمی چیف 33افسر آتے ستارہ جیرت(ملٹری) اسہ آفیسر اسے تمغہ جیرت و 35افسر و ورناتے تمغہ بسالت تس۔ دااعزاز آتے شہید آتا خاہوت آک ہلکر۔ آرمی چیف پاک فوج انا شہید و غازی تے خراج عقیدت پیش کرسا پارے کہ پاک فوج انا افسر و ورناک ننا حقی ہیروک ئُ ہرافتا قربانی و بے لوث عزم انا سوب ملک اٹی امن و سوگوی بسنے۔
