اسلام آباد ۔ 12اپریل (اے پی پی) سلاہکار خارجہ سرتاج عزیز پارینے کہ پاکستان دفترخارجہ زالبول ایسوسی ایشن اسہ غیر منافع بخش، غیر سیاسی، راجی خیراتی ئُ ادارہ اسے ہرانا مسخت راجی و شرحالی کاریم تیٹی گچین کڑد ادا کننگ و خیراتی مسخت آتے کن فنڈ جمع کننگ نا ئِ۔ چارشنبے نا دے ایوان بالا ٹی وقفہ سوج آتیٹی سینیٹر کلثوم پروین و ایلو باسک آتا سوج آتا ورندی ٹی سلاہکارخارجہ سرتاج عزیز پارے کہ داایسوسی ایشن وزارت خارجہ ٹی گریڈ اسٹ آن 15اسکان نا حقدار ملازم آتا شرحالی کن کاریم کننگ ئِ و دانا مسخت پاکستان نا راجی ، اقتصادی و دودوربیدہ ہی زند ئِ گچین وڑاٹ سمجھنگ کن گام گیج کننگ نا ئِ۔ اوپارے کہ ایسوسی ایشن پاکستان نا درست تشخص ئِ تالان کننگ کن ملک و پیشن نا ملک السی سفارتکاری ئِ ہم مون آ دیک۔ پاکستانی سفارتکار پیشن نا ملک میزبان ملک آتا کنڈآن اڈ ہلوک آ دود آتیٹی بشخ ہلیک ہرانا مسخت خیراتی تنظیم تا کمک ئِ کننگ مریک۔
