اسلام آباد۔ 12 اپریل (اے پی پی) صدر مملکت ممنون حسین ئَ بلوچستان ئَ گوں سیادی داروکیں مردم ایل ایل بی ئُُ ایل ایل ایم ئِ نودر بر آناں ھاسیں اسکالر شپ دیگ ئِ جار جنان ئَ گوشت کہ ایچ ای سی ئِ چیر دستی ئَ ھمک سال ئِ نودربر آناں وظیفہ دیگ بیت ۔ صدر ئِ مملکت ئَ گوشت کہ ایشی ئَ چہ ابید ازمکاریں نودربر آناں ملک ئَ چہ ڈن پی ایچ ڈی ئِ وظیفہ ئَ روان دیگ بیت۔ صدر ئِ مملکت ئَ اے گپ ایوان ئَ صدر ئَ ینگ لائرز بلوچستان ئِ ٹولہ ئَ گوں گند ئُُ نند ئِ ساھت ئَ گوشت اَنت ایشاں احمر بلال صوفی ئِ سروکی ئَ آئی ئَ گوں گند ئُُ نند کتگ اَت۔ صدر ئِ مملکت ئَ گوشت کہ بلوچستان ئِ دیمروئی ملک ئِ دیمروئی انت ، بلوچستان ئَ را ملک ئِ ایندگہ دمگ آنی ھساب ئَ ھمگام کن ھمے دُرستانی زمہ واری اِنت۔ گوادر پورٹ ئُُ ایندگہ منصوبگ آنی سرئَ کار بلوچستان ئِ مردم آناں گیش آں چہ گیش نوکری رسیت۔ گوادر ئَ آپ ئِ ضلورت آرا سرجم کنگ ئِ ھاترا منصوبگ آنی سر ئَ کار کنگ بوھگ ئَ ا،نت بلوچستان ئِ ورنا آناں چینی زبان سکارینگ ئِ واستہ نمل گوادر ئَ زوت وتی کیمپس ئِ بندات کنت۔ آئی ئَ گوشت کہ اے مول ئُُ مراد ئِ ھاترا نمل ئِ کیمپس ئِ برجائی ئِ واستہ ایوان ئِ صدر مزنیں زرّ ئِ پُجارین ایت۔ صدر ئِ مملکت ئَ گوشت کہ بلوچستان ئِباندات جوان اِنت۔ اے صوبگ زوت دیمروئی کنت۔ صدر ئِ مملکت ئَ گوشت کہ اقتصادی راہداری بلوچستان ئِ بنیاتی بھر ایشی ئِ دُرستاں چہ مستریں نپ رسیت ئُُ بلوچستان ئَ نوکری مُچ بیت ئُُ ھندی مردم آناں ترجی دیگ بیت۔ آئی ئَ گوشت کہ بلوچستان ئَ دیمروئی دیگ ئِ واستہ ورنا وتی سروکی کرد ئَ پیلو بکن اَنت۔
