مزن وزیر ئَ حاجی آناں گیشاں چہ گیش آسراتی پُجارینگ ، حج ئِ زیارت ئَ ھرچ ئُُ درچ ئِ نوک سرئَ چار ئُُ تپاسی کنگ ئُُ نوکیں پیش کنگ ئِ ہدایت
نندگی آسراتی آنی بابت ئَ سرجمیں منصوبگ آنی واستہ کابینہ ئِ جھلی تک ئِ کمیٹی برجا
اسلام آباد ۔ 12 اپریل (اے پی پی) بُنجاھی کابینہ ئَ حج پالیشی 2017ئُُ نوکیں گیس کنکشن آنی سر ئَ بندش آناں دور کنگ ئِ منظوری داتگ وھدیکہ نندگی آسراتی آنی بابت ئَ سرجمیں منصوبگ ھوالگ ئَ جھلی تک ئِ کمیٹی برجا کتگ۔ بُنجاھی کابینہ ئِ دیوان چارشمبے ئَ مزن وزیر محمد نواز شریف ئِ چیر دستی ئَ مزن وزیر کارگس ئَ برجم دارگ بوت۔ مزن وزیر ئَ حاجی آناں گیشاں چہ گیش آسراتی پُجارینگ ئِ ہدایت کُت۔ آئی ئَ گوستگیں سال ئَ جوانتریں حج ئِ انتظامی کنگ ئِ پد ئَ وزارت ئِ مذہبی کار ئِ کوشست آناں ساڑات۔آئی ئَ حج ئِ ھر چ ئُُ درچ آناں نوک سر ئَ چار ئُُ تبپاسی گرگ ئِ ھاترا آیوکیں وھد ئِ کابینہ دیوان ئَ پیش کنگ ئِ ہدایت کتگ۔ دیوان ئَ بُنجاھی وزیر منصوبگ ئُُ دیمروئی احسن اقبال ئَ ہاﺅسنگ ئِ شوبگ ئِ بابت ئَ بریفنگ دات۔ مزن وزیر ئَ گوشت کہ حکومت نندگی آسراتی ئِ بابت ئَ بزگریں مردم آناں جوانیں آسراتی پُجارینگ ئِ واھشت دار اِنت۔ آئی ئَ گوشت کہ دیمروئی چست ئُُ ایر آنی سبب ئَ شہری آباتی ئَ گوں ترندی ئَ گیشی بوھگ ئَ اِنت ، ھمے ھاترا مارا نندگی جاھ آنی ضلورت ئِ مول ئَ پیلو کنگی اِنت۔ وزیر ئِ منصوبگ بندی ئَ کسانوکیں روزگار کنوکیں مردم آنی نندگ ئِ ھاترا لوگ آنی ماڈلز پیش کُت اَنت۔ آئی ئَ ہاﺅسنگ ئِ شوبگ ئِ بابت ئَ گورننس ئُُ مالیاتی کار، منصوبگ بندی، جاھ ئُُ نندگ، ابرمی توپان ئَ چہ بچگ ئِ ھاترا ئُُُ آپ ئُُ گوات ئِ تہئَ مٹ ئُُ بدلی ئِ ھوالگ ئَ کار آنی سر ئَ بریفنگ دات۔ کابینہ ئَ وزیر ئِ ہاﺅسنگ ئُُ جوڑشت ئِ سروکی ئَ کابینہ ئِ جھلی کمیٹی برجا کُت ایش 10دھ روچ ئِ اندر ئَ سرجمیں منصوبگ ئَ را کابینہ ئِ دیم ئَ پیش کنت۔ جھلی کمیٹی ئِ ایندگہ باسک آنی تہ ئَ وزیر ئِ منصوبگ بندی، وزیر ئِ ریل گاڑی، سیفران ئِ وزیر، مزن وزیر ئِ سیکرٹری، سیکرٹری ھزانگ، سٹیٹ بینک ئُُ نیشنل بینک ئِ نمائندگ ھوار اَتنت۔ کابینہ ئَ ھاٹیگ ئِ بابت ئَ کابینہ ئِ کمیٹی ئِ سپارش ئِ سر ئَ گیس ئِ کنکشن آنی سر ئَ بندش ئِ چست کنگ ئِ منظوری ھم دات۔ دیوان ئِ تہ ئَ استیں حکومت ئِ ساھت ئَ گیس ئِ دیمروئی سکیم آنی سر ئَ کار کنگ ھم منظوری دات۔ کابینہ ئَ قومی ہیلتھ سروسز ریگولیشن ئُُ کوآرڈینیشن ڈویژن ئِ نیمگ ئَ چہ بار کوڈنگ ئِ کانود ئِ منظوری ھم دات۔کابینہ ئَ پاکستان ئِ محکمہ ئِ موسمیات ئُُ سلطان قابوس یونیورسٹی اومان ئِ نیام ئَ سونامی پیشگی ئِ اھوالی نظام ئِ بابت ئَ تکنیکی کمک، پاکستان ئِ محکمہ ئِ موسمیاتی شوبگ ئُُ فرانس ئِ محکمہ ئِ موسمیات ئِ نیام ئَ موسمی شوبگ ئَ کمک ئِ منظوری دات۔کابینہ ئَ کینیا ئُُ پاکستان ئِ نیام ئَ دیمپانی کمک ئِ بابت ئَ ایم اویو ئِ کاگد آنی ھوالگ گپ ئُُ تران ئِ منظوری دات۔ نیشنل ڈیفنس یونیورسٹی ئُُ جنیوا سنٹر فار سیکیورٹی پالیشی سوئنٹزرلینڈ ئِ نیام ئَ پٹ ئُُ پول ئُُ کمکی چست ئُُ ایر ئِ شوبگ آنی تہ ئَ سٹیٹمنٹ آف انٹینٹ ئِ سر ئَ دست چنگل، جمہوریہ چیک ئِ وزارت ئِ دیمپانی ئُُ پاکستان ئِ وزارت ئِ دیمپانی ئِ نیام َ دیمپانی صنعت ئُُ لاجسٹکئِ شوبگ ئَ کمک ئِ ھوالگ ئَ ایم او یو ئِ مسل ئِ سرئَ گپ ئُُ تران بندات کنگ ئِ منظوری دیگ بوت۔کابینہ ئِ دیوان ئَ پاکستان ئُُ کیوبا ئِ نیامئَ سفارتی، سرکاری ئُُ سروس پاسپورٹ زاروکیں مردم آنی واستہ ویزہ شید ئُُ بید ئِ بابت ئَ گپ ئُُ تران بندات کنگ ئِ منظوری دات۔ وزارت ئِ تہی کار ئُُ ناروے ئِ وزارت ئِ انصاف ئُُ پبلک سیکورٹی ئِ نیام ئَ ناشرکاری ئِ شوبگ ئَ کمک کنگ ئِ سر ئَ ھم تران کنگ بوت۔ کابینہ ئَ پاکستان ئُُ اُردن ئِ نیام ئَ سفارتی، سرکاری ئُُ سروس پاسپورٹ زاروکیں مردم آنی واستہ ویز ئَ چہ شید ئُُ بید بوھگ ئِ بابت ئَ مسل آننی ئَ دست چنگل ھم جنگ بوت۔ پاکستان ئُُ بلغاریہ ئِ نیام ئَ سفارتی، سرکاری ئُُ سروس پاسپورٹ زورکیں مردم آنی ویزہ ئَ چہ شید ئُُ بید بوھگ ئِ منوگری ئِ سر ئَ دست چنگ ھم جنگ بوت۔ قومی احتساب بیورو ئُُ چین ئِ وزارت ئِ چیر دستی ئَ وزارت برائے نگرانی ئِ نیام ئَ ناشرکاری ئِ گر ئُُ دار ئِ درگت ئَ منوگری ئِ سر ئَ دست چنگل ھم جنگ بوت۔ کابینہ ئَ تھائی لینڈ ئِ گوما کشت ئُُ کشاری کمک ئِ بابت ئَ کاﺅنٹر ڈرافٹ ایم او یو ئِ سر ئَ گپ ئُُ تران بندات کُت ئُُ ایشی ئِ مظوری دات۔ دیوان ئَ رائل کینیڈین ماﺅنٹڈ پولیس ئُُ اینٹی نارکوٹکس فورس ئِ نیام ئَ منشیات ئِ ھوالگ ئَ ناشرکاری ئِ گر ئُُ دار ئِ سر ئَ کمک کنگ ئِ یاتگیری منوگری ئِ سر ئَ دست چنگل جنگ بوت۔ کابینہ ئَ پاکستان ئُُ سری لنکا ئِ نیام ئَ جان سلامتی ئِ شوبگ ئَ ایم او یو آنی سر ئَ دست چنگل ھم جنگ بوت کابینہ ئَ ہیلتھ سروسز، میڈیکل ایجوکیشن، ریسرچ، ڈرگ ئُُ میڈیکل ٹیکنالوجی ئِ شوبگ ئَ وت مہ وتی کمک ئِ ھاترا ایران ئُُ پاکستان ئِ نیام ئَ ایم او یو ئِ سر ئَ دست چنگل جنگ بوت۔ کابینہ ئَ 13فروری 2017، 28مارچ 2017ئَ کابینہ ئِ اقتصادی رابطہ کمیٹی ئِ برجم داشتگیں دیوان ئَ کنگ بوتگ اَنت۔ کابینہ ئَ 22مارچ 2017ئُُ 10اپریل 2017ئَ کانودی کیسز ئَ گوں گر ئُُ چیل بوھگ ئِ واستہ کابینہ کمیٹی ئِ سپارش آناں ھم منگ بوت۔
