اقتصادی شونداری و شونداری نا وارخواہی نا لحاظ آن ساڑی صدی پاکستان نا ئِ
اسلام آباد۔ 12اپریل (اے پی پی) وزیراعظم نا خصوصی کمکار خارجہ امور طارق فاطمی ڈپلومیٹک کورس انا ساڑی مروک آتیا زور شاغا کہ او پوسکن و جمہوری اسلامی ریاست نا نمائندہ غاتا حیثیت آن ورناسفارتکار اعتدال پسندی ، رواداری و ہمدردی نا کلچر ئِ مون آ دیر۔ اقتصادی شونداری و شونداری نا وارخواہی تا لحاظ آن ساڑی صدی پاکستان نا ئِ۔ داہیت آتے او چارشنبے نا دے فارن سروس اکیڈمی اسلام آباد اٹی اڈ ہلوک آ 37 می خصوصی ڈپلومیٹک کورس انا بنائی سیشن آن تران کرسا پارے۔ دفترخارجہ نا ترجمان نا رداٹ کورس اٹی 44می کامن ٹریننگ پروگرام آن فارن سروس پروبیشنرز بشخ ہلنگ ئُ۔ ساڑی آ بیچ کم و ود 50 درسد زالبول آتیا تالان ئِ ہرا فارن سروس آف پاکستان نا تاریخ نا بڑزکو انگا کچ ئِ۔ خصوصی کمکار پارے کہ اقتصادی شونداری و شونداری نا وارخواہی تا لحاظ اٹ ساڑی صدی پاکستان کن ئِ۔ خصوصی ڈپلومیٹک کورس فارن سروس اکیڈمی نا تربیتی پروگرام ئِ ہرانا مسخت ٹرینیز نا ذہنی و علمی بنداو ئِ گیشتر کننگ، بین الاثقافتی افہام و تفہیم ئِ مون آ دننگ و اوفتا تعلقداری و جاچکاری کرت و کار ئِ ودفوئی ئِ۔ کورس انا نصاب اٹی فارن پالیسی ، انٹرنیشنل لاء، جہانی سیاست، جہانی معیشت، فارن ٹریڈ ،ڈپلومیسی و ہیومن ریسورس ڈویلپمنٹ کون آ سرحال آک اوار ئُ۔
