پاک فوج انا کسبی تیاری تا بابت معاملہ و ملک انا ساڑی سلامتی و سیمی حالیت آتیا ہیت وگپ مس
اسلام آباد۔ 12اپریل (اے پی پی) وزیراعظم محمدنواز شریف تون چیف آف آرمی اسٹاف جنرل قمر جاوید باجوہ چارشنبے نا دے وزیراعظم ہاﺅس اٹی اوڑدہی کرے۔ وزیراعظم آفس نا کنڈآن جاری کروک بیان نا رداٹ اوڑدہی ٹی پاک فوج انا کسبی تیاری تا بابت معاملہ و ملک انا ساڑی سلامتی و سیمی حالیت آتیا ہیت وگپ مس۔ آرمی چیف وزیراعظم ئِ جاری آپریشن”ردالفساد “ آ پیش رفت نا بارواٹی معلومدار کرے۔ وزیراعظم آپریشن”ردالفساد“ نا سرسہبی تیا است جمی نا درشانی ئِ کرسا ملک اٹی امن نا دوئی نا قومی مسخت کن پاکستان نا سلہہ بند فوج انا بے مثل قربانی تیا اونا کڑد انا ستائِ کرے۔
