اسلام آباد۔ 12اپریل (اے پی پی) ریٹنگ ایجنسی موڈیز نا پاننگ ئِ کہ سی پیک ڈٹ انا سوب آن بروک آ اِراسال اٹی پاکستان نا معاشی نمو 5 درسد سلنگ نا اومیت ئِ۔نجی ٹی وی چینل نا رداٹ جہانی ریٹنگ ایجنسی موڈیز پارینے کہ آئی ایم ایف پروگرام نا سرسہب پوروی آن پد پاکستانی معیشت نا ساکھ گچین مسنے ہراڑآن مالی نسخان اٹی کمتی و زرمبادلہ نا کوڑی ٹی ودکی مسنے۔ موڈیز نا پاننگ ئِ کہ چین پاکستان اقتصادی راہداری ڈٹ انا سوب آن بروک آ اِراسا ل اٹی معاشی نمو 5درسد سلنگ نا اومیت ئِ۔ داڈٹ انا سوب ٹرانسپورٹ و توانائی بشخ اٹی زرکاری انفراسٹرکچر کاختی ئِ مر کیک۔ رپورٹ نا رداٹ ویل آتا ایسری نا سرسہب کوشست آتیان ریاست نا کریڈٹ پروفائل گچین مریک۔ پاکستان اٹی وام تا تناسب جی ڈی پی نا تناسب آن 67 درسد ئِ وخت اس کہ موڈیز نا اسٹینڈر تناسب 50 درسد ئِ۔
