اسلام آباد۔ 12اپریل (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی ریلویز ڈویژن نا شونداری ڈٹ آتے کن جم وڑاٹ داوخت اسکان 24 ارب 33 کروڑ، 56لکھ روپئی آن زیات نا فنڈ جاری کرینو۔ حکومت ریلویز ڈویژن نا شونداری کاریم تے کن 41 ارب روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ گوادر اٹی ریلوے کنٹینر یارڈ کن 23 کروڑ، اسٹاف کوارٹر نا جوڑ جاڑ کن 10 کروڑ، خانیوال آن رائیونڈ ٹریک ئِ اِرا رویہ کننگ کن 27 کروڑ، نیو ڈی ای لوکو موٹوز کن 8 ارب 68 کروڑ، 780 ہائی کپیسٹی بوگی و ویگن تے کن 3 ارب 83 کروڑ،خانیوال ٹو سکھر سیکشن نا بحالی کن 88 کروڑ، 2010 ءجلاب آن زہمی ماڑی تا بحالی کن اسہ ارب 66 کروڑ، رولنگ اسٹاک ٹریک کن 77 کروڑ، 100 ڈی ای لوکوموٹوز نا ریپیئرنگ کن اسہ ارب 40 کروڑ، خانپور ٹو لودھراں سیکشن نا بحالی کن اسہ ارب 42کروڑ تون اوار چندی شونداری ڈٹ آتے کن فنڈ جاری کرینے۔
