اسلام آباد۔ 12اپریل (اے پی پی) پاکستان اٹی رہینگوک آ رجسٹرڈ اوغان مہاجر تا پدی ہِننگ نا عمل جاری ئِ ، 3اپریل آن داوخت اسکان 4ہزار 174اوغان مہاجر پدی اوغانستان آ رسینگانو، پدی ہنوک آ اوغان مہاجر آتے 200 ڈالر فی بندغ تننگ انگ ئِ۔ چارشنبے نا دے یو این ایچ سی آر نا نمائندہ دونیا اسلم ”اے پی پی“ تون ہیت وگپ کرسا پارے کہ خزاں نا موسم آن پد رجسٹرڈ اوغان مہاجر آتا پدی ہِننگ نا عمل دُوارہ بناکرینے، 3اپریل آن داوخت اسکان 4 ہزار 174 اوغان مہاجر تینا وطن آ رسینگانو ہرافتیان 3 ہزار 248 خیبر پختونخوا وخت اس کہ بلوچستان آن 926 اوغان مہاجر پدی ہنانو ولے ہردے نا بنداو آ 500 بندغ پدی اوغانستان آ ہننگ ئُ۔ پدی ہنوک آ رجسٹرڈ اوغان مہاجر و اوفتا چناتے فی بندغ نا حساب اٹ 200 ڈالر تننگ انگ ئِ۔
