اسلام آباد۔ 12 اپریل (ا پریل (اے پی پی) وزیر مملکت انفارمیشن ٹیکنالوجی انوشہ رحمان پارینے کہ وزیراعظم محمد نواز شریف نا سروکی ٹی وزارت آئی ٹی انفارمیشن ٹیکنالوجی نا بشخ اٹی انقلاب اس ایسونے ہرانا مچ آ دنیا ٹی ستاءکننگ انگ ئِ، پاکستان ئِ گدرینگوک آ مسہ سال اٹی چار وار جہانی ایوارڈ تننگانے۔ داخیال آتا درشانی ئِ او راولپنڈی چیمبرز آف کامرس اینڈ انڈسٹری نا کنڈآن مسٹ میکو سالانہ انفارمیشن کمیونیکیشن ٹیکنالوجی ایوارڈ نا بابت دود آن مہمان خاص نا حیثیت اٹ تران کرسا کرے۔ دا دود آئی سی ٹی نا بشخ اٹی گچین کارکڑد نشان تروک آ آئی ٹی کمپنی تا است بڈی کن اڈ تننگا۔ اوپارے کہ وزیراعظم محمد نواز شریف نا سروکی ٹی وزارت آئی ٹی انفارمیشن ٹیکنالوجی نا بشخ اٹی اوانقلاب اس ایس ہرانا تحسین ئِ مچ آ دنیا ٹی کننگ انگ ئِ و پاکستان ئِ گدرینگوک آ مسہ سال اٹی چار وار جہانی ایوارڈ تننگانے۔ اولیکو ایوارڈ 2014ءٹی شفاف تھری جی/فورجی نیلامی نا اڈتننگ آ ملا و ولدا ساڑی ہی ٹی جی ایس ایم اے ایوارڈ سرسہب ٹیلی کام پالیسی 2015ءدرستی راستی کرفنگ آ تننگا۔ اوپارے کہ اینو ننا براڈ بینڈ انا کچ 72 درسدآن گدرینگ انگ ئِ ہرا مسہ سال مست محض مسہ درسد آن ہم کم ئس۔ اوپارے کہ نن پاکستان نا مرمر انگا و پسماندہ علاقہ غاتا رہینگوک آتے جدید آئی سی ٹی آسراتی تا فراوانی ننا بیڑہ ئِ ہرفینے یونیورسل سروسز سل سروسز فنڈ انا رداٹ ارب آ روپئی مالیت نا ڈٹ زیر تکمیل ئِ و بروک آ اِراسال اٹی پاکستان نا او غٹ خلق ہرافتا آبادی سد یا اوکان زیات نفوس آ تالان مریک اوفتے رابطہ نا فراوانی ئِ المی جوڑ کننگک۔ انوشہ رحمان پارے کہ ورناتے انفارمیشن ٹیکنالوجی نا جدید مہارت آتیان بہرہ ور کننگ کن خصوصی ڈٹ بناءکننگانے۔
