اسلام آباد۔ 11 اپریل (اے پی پی) صدر مملکت ممنون حسین ئَ گوشت کہ ڈیفنس اسٹڈیز یک المی ایں ئُُ ھاسیں شوبگ اِت ایشی ئِ تہ ئَ جوانیں وانگ ئُُ زانگ پکار اِنت۔ اے رد ئَ نیشنل ڈیفنس یونیورسٹی جوانیں کرد پیلو کنگ ئَ اِنت۔ اے گپ آئی ئَ نیشنل ڈیفنس یونیورسٹی ئِ سینیٹ ئِ دیوان ئَ گشتانک دیان ئَ کُت اَنت ایش آئی ئِ پاگواجئی ئَ برجم دارگ بوھگ ئَ اَت۔ دیوان ئِ تہ ئَ چیئرمین جوائنٹ چیفس آف اسٹاف کمیٹی جنرل زبیر محمود حیات، چیف آف نیول اسٹاف ایڈمرل ذکاءاللہ ، چیئرمین ہائر ایجوکیشن کمیشن ڈاکٹر مختار احمد ئُُ ایندگہ باسک بھر زورگ ئَ اتنت۔صدر ئِ مملکت ئَ گوشت کہ وانگ ئُُ زانگ ئِ پڑ ئَ نیشنل ڈیفنس یونیورسٹی ئِ کرد توسیپی اِنت ئُُ ہدایت کُت کہ ادارگ ئِ فیکلٹی ئَ را گیش مھکم کنگ بہ بیت۔ آئی ئَ این ڈی یو ئِ سینیٹ ئَ چہ روﺅکیں باسک آنی اِزمت آناں ساڑات ئُُ کامسیٹس انسٹیٹیوٹ آف انفارمیشن ٹیکنالوجی ئِ ایگزیکٹوڈائریکٹر ڈاکٹر جنید زیدی ئُُ جناح وومن یونیورسٹی ئِ وائس چانسلر ڈاکٹر ثمینہ امین قادر ئَ ھوار شش نوکیں باسک آنی وش اتک کنگ بوت۔
