اسلام آباد۔ 11اپریل (اے پی پی) صدر مملکت ممنون حسین پارینے کہ راج ئِ انتہاپسندی و انتشار آن نجات ترفنگ کن علمی و ادبی سرجزآتا مون آ دننگ بھاز اہمیت تخک۔ داہیت ئِ او قومی تاریخ و ادبی میرات ڈویژن کن وزیراعظم نا سلاہکار عرفان صدیقی تون ہیت وگپ کرسا پارے ہراسے شنبے نا دے ایوان صدر اٹی اوڑتون اوڑدہی کرے۔ عرفان صدیقی صدر مملکت ئِ تینا ڈویژن نا رداٹ چلینگوک آ ادارہ غاتا کارکڑد و جاری ڈٹ آتا سرجم احوال آتیان معلومدار کرے۔ صدر مملکت سلاہکار وزیراعظم نا کارکڑد نا ستائِ کرسا پارے کہ علمی و ادبی ادارہ غاتا تینا کچ انا رداٹ ولدا آن متحرک مننگ ستاءنا لائق ئِ۔ اوپارے کہ کتاب نا کلچر ئِ لس کننگ نا منظم بایدے کوشست کننگے۔ عرفان صدیقی صدر مملکت ئِ اسلام آباد اٹی نیشنل بک فاﺅنڈیشن نا رداٹ اڈ ہلوک آ ہشت می قومی کتاب میلہ نا افتتاح نا سلہ خلک۔ پاک چائنا فرینڈ شپ سینٹر اٹی اڈ ہلوک آ دا میلہ 22 اپریل آن بناءکرسا 24اپریل اسکان برجاسلک۔
