اسلام آباد۔ 11 اپریل (اے پی پی) مزن وزیر ئِ ھاسیں کمکار برائے درئی کار طارق فاطمی ئَ گوشت کہ پاکستان ئُُ ہنگری ئِ نیام ئَ تجارتی ئُُ اقتصادی شوبگ آنی تہ ئَ یکوئی ئَ را گیش کنگ ئِ پکار اِنت۔ درئی کار آنی کارگس ئِ رد ئَ آئی ئَ ہنگری ئِ نائب سیکرٹری درئی کار ئُُ تجار سلو سٹر بس ئَ گوں تران کنان ئَ آئی ئَ گوشت ، آئی ئَ سئے شمبے ئِ روچ ئَ اِدا درئی کارانی کارگس ئَ گند ئُُ نند کتگ اَت۔ ھاسیں کمکار ئَ دوئیں ملک آنی نیام ئَ وت مہ وتی ئِ جاورھال آنی گہتری ئِ ھاترا واھگ درشان کُت۔ اے پڑ ئَ آئی ئَ گیش الکاپیں یکوئی ئَ را مھکم دارگ ئِ سر ئَ زور پر دات۔ طارق فاطمی ئَ آئی ئَ را سیکورٹی ئُُ ناشرکاری شوبگ ئَ ابید اقتصادی دیمروئی ئُُ جمہوری ادارگ آناں گیش مھکم کنگ ئَ پاکستان ئِ کامیاتی آنی بابت ئَ سرپدی دات۔سلوسٹر بس ئَ اے موہ ئَ گوشت کہ ہنگری پاکستان ئِ گوما یکوئی ئَ را ارزشت دنت۔ دوئیں ملک آںی نیام ئَ دو نیمگی تجارتی کساس ئِ تہئَ گیشی آرگ ئِ ازم است اِنت۔ آئی ئَ گوشت کہ ہنگری ئِ کمپنی ’مول ‘ پاکستان ئَ ٹیل ئُُ گیس ئِ شوبگ ئَ سرمایہ کاری کنگ ئَ اِنت۔ ہنگری ئَ پاکستانی نودربر آنی واستہ سکالرشپ آنی کساس 80ئَ چہ وداینت ئُُ 200کُت۔
