اسلام آباد۔ 11 اپریل (اے پی پی) مزن وزیر ئِ ھاسیں کمکار برائے درئی کار طارق فاطمی ئَ گوشت کہ او آئی سی اسلام ئَ گوں کُنّت”فوبیا“ ئَ گوں گر ئُُ چیل بوھگ ئِ کرد ئَ پیلو بکنت۔ بد نیتی ئِ سر ئَ کاروائی آنی تہ ئَ بازیں ملک آنی اندر ئَ ”وت مستری ئِ آزاتی“ ئِ پینگ لائک ئِ منگ نہ اِنت۔ اسلام ئِ منوک آنی ھلاپ ئَ کُنت ئِ تبلیغ ئُُ لٹ ئُُ کُٹ ئِ واکیہ آنی ھلاپ ئَ یکجائی یک مول ئُُ مراد ئِ گیشینگ ئِ ضلورت اِنت۔ درئی کارانی کارگس ئِ دارچین ئِ رد ئَ اے گپ آئی ئَ اسلامی کمکی گل (او آئی سی) ئِ سیکرٹری جنرل یوسف احمد الثیمین ئَ گوں تران کنان ئَ آئی ئَ گوشت اَنت، آئی ئَ سئے شمبے ئِ روچ ئَ اِدا درئی کارانی کارگس ئَ آئی ئَ گوں گند ئُُ نند کُتگ اَت۔ سیکرٹری درئی کار تہمینہ جنجوعہ ھم اے موہ ئَ ساڑی اَت۔
