اسلام آباد۔ 11 اپریل (اے پی پی) پبلک اکاﺅنٹس کمیٹی نا دیوان بیدس کارروائی نا ملتوی کننگا۔ پبلک اکاﺅنٹس کمیٹی نا دیوان سے شنبے نا دے چیئرمین کمیٹی خورشید شاہ نا کماشی ٹی اڈ ہلک۔ چیئرمین کمیٹی سید خورشید احمد شاہ دیوان نا بناءغا پارے کہ آڈیٹر جنرل آف پاکستان 8 اپریل آ ریٹائر مسنے۔ اونا پاننگ ئس کہ آڈیٹر جنرل گچین وڑاٹ کاریم کرینے۔ پوسکن آآڈیٹر جنرل نا تعیناتی نا بابت آڈٹ کمامدارآک پاریر کہ قائم مقام آڈیٹر جنرل نا تعیناتی نا بابت سمری وزارت خزانہ ئِ گدریفنگانے۔ سید خورشید احمد شاہ پارے کہ آڈیٹر جنرل آن بیدس پی اے سی نا دیوان ہچ ئُ کانودی حیثیت اس اف۔ باسک قومی اسمبلی سید نوید قمر پارے کہ آڈیٹر جنرل نا تعیناتی نا وڑوڈول صفائِ۔ کانودی وڑاٹ پی اے سی نا دیوان مننگ کپک۔ داڑآ چیئرمین پبلک اکاﺅنٹس کمیٹی سید خورشید احمد شاہ پوسکن آ آڈیٹر جنر ل نا تعیناتی اسکان کمیٹی نا دیوان ئِ ملتوی کرے۔
