اسلام آباد۔ 01 دسمبر (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر پارینے کہ پاکستان نا ٹیکسٹائل بشخ انا برآمد آتے ٹی ودکی نا بابت پبی لائخی تخک۔ چارشنبے نادے آ تینا ٹویٹ اٹی اوپارے کہ چین نا ٹیکسٹائل نا درآمد و برآمد آتا چیمبر نا باسک آک و چین نا ٹیکسٹائل کمپنی تا کمامدارآتون اوڑدہی مسنے۔ داوخت آ چین نا کاروباری برادری ءِ ٹیکسٹائل اٹ پاکستان نا لائخی تیان معلومدار کرین و پارین کہ پاکستان ٹیکسٹائل مصنوعات آتا برآمد آتے ٹی ودکی کن سوگو ءُ بنداو اس جوڑ مننگ کیک۔ او پارے کہ برآمد آتے ٹی ساڑی آ ودکی سی پیک تون گنڈوک ڈٹ آتا بابت ننا سرسہبی نا سوگو ءُ بنداو اس جوڑ مریک۔
