پاکستان  ءَ را سائبر سیکورٹی کلانہ آنی ضلورت انت،  انچو انچو پاکستان  ڈیجیٹلائزیشن  بیت  انچو انچو سائبر ارش گیش بنت،  صدر مملکت ڈاکٹر عارف علوی ءِ ڈیجیٹل پاکستان سائبر ہیکا تھان ءِ مراگش ءَ گوں گشتانک

اسلام آباد۔30نومبر  (اے پی پی):صدر مملکت ڈاکٹر عارف علوی  ءَ گوشت کہ پاکستان  ءَ  را سائبر سیکورٹی کلانی آنی ضلورت انت، انچو انچو پاکستان ڈیجیٹلائز بیت  انچو انچو سائبر ارش گیش بنت، نوکیں باھند دگنیا ءَ بوھوکیں مٹ ءُ بدلی آناں  گہتریں رنگ ءَ  پھمگ ءَ انت، آئی ٹی ءِ شوبگ ءَ دیمروئی ءَ چہ پاکستان ءِ آئی ٹی ءِ پیداوار ءُ برآمدات آنی تہ ءَ گیشی بیت۔  ادارگ آناں ڈیجیٹیلائز کنگ ءِ گوما سائبر سیکورٹی ءِ نیمگ ءَ ھم وتی دلگوش کنگ لوٹ ایت،     بلدیں نودربر آناں  50 ہزار  سکالرشپس دیگ بوھگ ءَ انت۔ اے ھیالانی درشانی آئیءَ  سے شمبے ءِ روچ ءَ ڈیجیٹل پاکستان  سائبر سیکورٹی ہیکاتھان ءِ مراگش ءَ گوں گشتانک دیان ءَ کت۔  مراگشءَ  بنجاھی سیکرٹری انفارمیشن ٹیکنالوجی سہیل راجپوت ، ممبر آئی ٹی سید جنید امام، اگنائٹ ءِ سی ای او عاصم شہزاد حسین، سائبر سیکورٹی ءُ آئی ٹی  ءِ کلانہ آں بھر زوری کت۔