اسلام آباد۔ 10 اپریل (اے پی پی) سپیکر قومی اسمبلی سردار ایاز صادق ئَ بیلاروس ئِ گوما وت مہ وتی یکوئی ئَ را دیمروئی دیگ ئُُ اُلسی تک ئَ دوئیں ملک آنی نیامئَ دونیمگی دوستی ئُُ تپاکی ئَ را گیش ودینگ ئِ بابت ئَ زور پر دیان ئَ گوشت کہ دوئیں ملک آنی نیام ئَ پارلیمانی ئُُ اقتصادی کمک وھد ئِ ٹوھیں لوت اِت۔ آ دوشمبے ئِ روچ ئَ بیلاروس ئِ سپیکر ئِ پاگواجئی ئَ پاکستان ئِ تر ئُُ تاب ئَ آیوکیں ٹولہ ئَ گوں تران کنان اَت۔ اے موہ ئِ سر ئَ قومی اسمبلی ئِ درئی کارانی جوڑ بوتگیں کمیٹی ئِ چیئرمین سردار اویس احمد خان لغاری ئُُ بیلاروس ئِ سفیر ھم اے موہ ئِ سر ئَ ساڑی اَت۔ سپیکر ئَ گوشت کہ دوئیں ملک آنی یکوئی ئَ را گیش مھکم کنگ ئِ ھاترا یک ئُُ دگر ئِ گوما پارلیمانی یکوئی جوانیں گپ ئُُ تران آنی وسیلگ ئَ گیش کنگ ئِ ضلورت اِنت۔آئی ئَ اے گپ ئِ زور پر دات کہ دوئیں ملک آنی نیام ئَ پارلیمانی ڈپلومیسی دوئیں ملک آنی حکومت ئِ نیامئَ جوانیں یکوئی شریں ئُُ ارزشتی ایں کرد ئِ پیلو کنت۔ آئی ئَ اے گپ دوئیں ملک آنی فرینڈ شپ گروپس ئِ برجائی اے پڑ ئَ یک المی ایں پکار اِت۔
