اسلام آباد ۔ 10 اپریل (اے پی پی) اسپیکر قومی اسمبلی سردار ایاز صادق دوشنبے نا دے سیکرٹری الیکشن کمیشن بابر یعقوب تون پارے کہ او وسیع تر قومی مفاد آتا خاطر گچین کاری اصلاحات کن اڈ تروک پارلیمانی کمیٹی نا دیوان تیٹی تینا ساڑی ئِ المی جوڑ کے۔ اسپیکر قومی اسمبلی تون ٹیلی فون آ ہیت وگپ اٹی سیکرٹری الیکشن کمیشن پارے کہ الیکشن کمیشن اسہ آئینی ئُ ادارہ اسے ، اونا و اونا افسر آتا شرف ئِ ملحوظ خاطر تخنگے و بے سوب دوبہ غاتیان پاناد کننگے۔ اوپارے کہ نن کن غٹ پارلیمنٹرینز آک شرف نا قابل ئُ ہنداخاطران الیکشن کمیشن و اونا افسر آتا عزت نا ہم خیال ئِ تخنگے۔ اواسپیکر ئِ یخین ترفے کہ او تعلقدار افسر آتون اوار گچین کاری اصلاحات کمیٹی نا دیوان تیٹی نئے بیرہ شریک مریک بلکن غٹ آئینی و کانودی کمکاری ئِ ہم برجاتخک۔
