اسلام آباد۔ 10 اپریل (اے پی پی) زمبابوے فضائیہ نا سروک ایئر مارشل پیرنس شیری دوشنبے نا دے ایئر ہیڈ کوارٹرز اسلام آباد نا دورہ ئِ کرے۔ ایئر ہیڈ کوارٹر زآ بننگ آ پاک فضائیہ نا سروک ایئر چیف مارشل سہیل امان شرفمند آ مہمان ئِ بخیر کرے ۔ اونا بننگ آ پاک فضائیہ نا اسہ چاق و چوبند دستہ اس اودے گارڈ آف آنر پیش کرے۔ شرفمند آ مہمان پاک فضائیہ نا شہید آتے خراج عقیدت پیش کننگ کن ایئر ہیڈکوارٹر اٹی شہید آتا یات گار آ پھل آتا چادراس شاغا۔ پرنسپل سٹاف آفیسر نا شرفمند آمہمان آتون درستی راستی ئِ کرفنگا۔ اوکان پد مارٹن رشوایا ، سیکرٹری ڈیفنس زمبابوے و زمبابوے فضائیہ نا سروک مارشل پیرنس شیری پاک فضائیہ نا سروک ایئر چیف مارشل سہیل امان تون اونا آفس اٹی اوڑدہی کرے و کسبی معاملہ غاتیا خیال آتا درشانی ئِ کریر۔ زمبابوے فضائیہ نا سروک پاک فضائیہ نا بندغ آتا کسبی مہارت نا ستائِ کرے و ہڑتوم آ فضائی فوج آتا نیام اٹ تین پہ تینی کمکاری ئِ پین مون آ دننگ نا خواہش نا درشانی ئِ کریر۔ پاک فضائیہ نا سروک زمبابوے فضائیہ ئِ ہر بشخ اٹی کمکاری نا پیش کش کرے۔ زمبابوے فضائیہ نا سروک ، پاک فضائیہ نا خصوصی سلہ غا دادے تیٹی پاکستان نا دورہ غاٹی ئِ۔
