ایبٹ آباد۔ 10 اپریل (اے پی پی) ڈپٹی اسپیکر قومی اسمبلی مرتضیٰ جاوید عباسی پارینے کہ مسلم لیگ (ن) نا حکومت ملک ئِ تنکی تیان کشسا شونداری نا کسر آ روان کرینے، منہ سیاست دان و جماعت السئِ گمراہ کننگ ئُ، ہراخلقت تینا دور اقتدار اٹی صوبہ ٹی ہچ ئُ بھلو پروجیکٹ اس کننگ کتوس او شونداری نا کسر اٹی اڑاند شاغنگ ئُ۔ او تدوک آ دے این اے ۔18 نا چندی علاقہ غاتا دورہ نا وخت آ ہندی بندغ آتون ہیت وگپ کریکہ۔ اوپارے کہ اونا حلقہ نا تہٹی ریکارڈ شونداری کاریم بنائِ، ہراعلاقہ غاتے سوئی گیس انا فراوانی نا پڑو کننگانے ہمو علاقہ غاتیٹی گیس فراوانی نا کاریم نا بناءمسنے، وزیراعظم حلقہ این اے ۔ 18 نا الس تون تینا مابت نا درشانی ئِ کرینے۔ مرتضیٰ جاوید عباسی پارے کہ نن الیکشن اٹی ہرا وعدہ غاتے ہرا علاقہ غاتا الس تون کرین اوغٹ وعدہ غاتے پورو کننگک۔ ملک ئِ بھلو بھلو تنکی مون تروک ئس، مسلم لیگ (ن) حکومت ئِ سنبھالنگ تون ہی دا بھلا تنکی تا مون ئِ توننگ نا عزم ئِ کریسس و بناءنا اِراسال محمد نواز شریف د ابھلا ملکی تنکی تے ایسر کننگ آ تینا مچ آ چکار ئِ تخاسس و داسہ دا حلقہ غاتا جوڑ جاڑ و شونداری نا بنائِ کرینے۔ اوپارے کہ غٹ علاقہ غاتیٹی بنداوی السی گرج آتے پورو کننگ مسلم لیگ (ن) نا منشور ئِ۔
