اسلام آباد۔ 10 اپریل (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی نیشنل ہائی وے اتھارٹی نا شونداری ڈٹ آتے کن جم وڑاٹ داوخت اسکان اسہ کھرب 66 ارب 20 کروڑ روپئی آن زیات نا فنڈ جاری کرینے۔ حکومت دا بشخ انا شونداری کاریم تے کن اسہ کھرب 92 ارب روپئی نا فنڈ جتا کرینے ۔ پلاننگ کمیشن نا کنڈآن جاری کروک حساب وکتاب نا رداٹ حکومت فیصل آباد ۔خانیوال ایکسپریس وے اکن 50 کروڑ، قلات۔ کوئٹہ و چمن سیکشن کن 9 کروڑ روپئی ، لواری ٹنل ئِ ملفوک آ روڈ انا جوڑ جاڑ کن 4 ارب 40 کروڑ روپئی، پشاور۔ناردرن بائی پاس کن 50 کروڑ روپئی، برہان۔ہکلہ ایم 1 سیکشن کن 15 ارب 40 کروڑ روپئی، این 85 نا جوڑ جاڑ کن 4 ارب روپئی، تھاکوٹ۔حویلیاں سیکشن نا جوڑجاڑ کن 2 ارب 55کروڑ، سیالکوٹ۔لاہور موٹروے کن 14ارب روپئی، نیو اسلام آباد ایئر پورٹ ئِ ملفوک آ لنک روڈ انا جوڑ جاڑ کن 2 ارب 10 کروڑ روپئی ، لاہور ۔ عبدالحکیم سیکشن نا جوڑ جاڑ کن 27 ارب 22 کروڑ روپئی تون اوار چندی شونداری ڈٹ آتے کن فنڈ جاری کرینے۔
