راولپنڈی۔ 09 اپریل (اے پی پی) لیفٹیننٹ جنرل (ر) عبدالقیوم پارینے کہ دنیا نا گہماگہمی ٹی نن تخلیق انسانی نا اصل مسختئِ گیرام کرینن، نن اگہ پوسکن آ نسل انا تربیت ئِ دینی اصول آتا بنداو آ کین تو نن دین و دنیا نا بھلائی ئِ دوئی کننگ کینہ۔ داخیال آتا درشانی ئِ او انجمن فیض الاسلام نا پلاٹینم جوبلی و یوم پاکستان نا اسیجائی دود آتا چرجوئی ٹی انجمن نا فنی و لس تعلیمی ادارہ غاتا طالب علم آتا نیام اٹ ”سوگوی پاکستان “ و ”قومی پوسکن جوڑ جاڑ اٹی انجمن فیض الاسلام نا کڑد“ انا سرحال آتیا تقریری، سرکہانی ، ملی نغمہ و خاکہ غاتا مقابلہ غاتیان پد اڈ ہلوک دود انا کماشی ئِ کرسا کرے۔ داوخت آ راجہ علی اکبر ویلفیئر ٹرسٹ نا بانی چیئرمین راجہ علی اکبر مہمان خاص، نجی ہاﺅسنگ سوسائٹی نا ایگزیکٹو چوہدری عبدالرحمان و میانوالی نا مسکوہی ڈی سی او ذوالفقار علی مہمانان اعزاز ئسر۔ صدر انجمن محمد صدیق اکبر میاں، جنرل سیکرٹری راجا فتح خان ، سیکرٹری مالیات راجہ صابر حسین، سیکرٹری نشرو اشاعت محمد بدر منیر، تعلیمی کمیٹی نا سروک میڈم اظہار فاطمہ، انجینئر مظفر اقبال، پروفیسر نیاز عرفان، کیمپس منیجر امتیاز احمد خان، اسکول آتا سروک غلام جیلانی، فاروق قریشی ، انجینئر محمد اکمل و ایلو عہدیدار ، استاد و طالب علم آتا بھلو کچ اس ہم ہمووخت آ ساڑی ئسر۔
