اسلام آباد۔ 09 اپریل (اے پی پی) گچین کاری اصلاحات کن پارلیمانی کمیٹی نا ذیلی کمیٹی اینو(دوشنبے) نا دے آن چار شنبے نا دے اسکان مسہ دے غٹ گچین کاری کانود آتے یکجا کرسا جوڑ کروک آ گچین کاری کانود 2017 ءنا مسودہ غا رسینگوک آ سلاہ تیا سجفک۔ دوشنبے نا دے دیوان کنوینر زاہدحامد نا کماشی ٹی 11بجہ غا مریک دا ذیلی کمیٹی نا 77می دیوان مریک، دیوان اٹی غٹ گچین کاری کانود آتے یکجا کرسا جوڑ کروک آ گچین کاری کانود 2017 ءنا مسودہ غا رسینگوک آ سلاہ تیا سجفنگک۔ ہندا دے ڈاکٹر نفیسہ شاہ نا کنڈآن پیش کروک پولیٹیکل پارٹیز آرڈر2013ترمیمی بل آہم سجفنگک۔ سے شنبے نا دے 78 می دیوان اٹی ہم ترمیم آ سجفنگک۔ چارشنبے نا دے 79 می دیوان اٹی ہم ترمیم آتیا پین سجفنگک۔
