اسلام آباد۔ 09 اپریل (اے پی پی) چین پاکستان اقتصادی راہداری ڈٹ انا رداٹ چین پاکستان اٹی ریلویز نا مین لین نا اپ گریڈیشن کن 8 ارب ڈالر آن زیات نا کڑز انا فراوانی ٹی است خواہی نا درشانی ئِ کرینے ہراڑآن سی پیک نارداٹ چندی ڈٹ آتیا کروک آ زرکاری 54 ارب ڈالر اسکان ودک۔ چین سی پیک نا رداٹ چندی ڈٹ آتیا کروک آ زرکاری ئِ مست آن ہی 46 ارب ڈالر آن 51.5 ارب ڈالر اسکان ودفینے وخت اس کہ ریلوے نا مین لین کن کڑز انا فراوانی آن سی پیک نا ڈٹ آتیا جم وڑاٹ 54 ارب ڈالر آن ہم زیات انا زرکاری کننگک۔ وزارت ڈٹ بندی نا کمامدارآک ہم ریلوے نا نیٹ ورک نا شونداری و بحالی کن چین نا کنڈآن مالی کمکاری نا فراوانی ئِ پک کرینے۔
