اسلام آباد۔24ستمبر (اے پی پی): بنجاھی وزیر اھوالکاری ءُ شنگ کاری چوہدری فوادحسین ءَ گوشت کہ دگیا ءَ اے وھد ءَ بیانیہ ءِ جنگ مڈگ بوھگ ءَ انت، ورنا آنی آیوکیں باندات ڈیجیٹل ءَ گوں بندوک انت، پیسریگیں زمانگ ءَ ریاستی میڈیا ءَ را پارٹی بیانیہ ءِ واستہ کارمرز کنگ بوتگ، پی ٹیآئی ءِ دیجیٹل میڈیا ریاست ءِ ڈیجیٹل میڈیا ءَ گوں گیش مھکم بوتگ، ریاستی میڈیا ءِ ادارگ ریاست ءِ بیانیہ ءَ را پیش کنگ ءَ سک باز ناکام بوتگ انت، مزن وزیر عمران کان مڈیا ءِ ارزشت ءَ را جوانی ءَ گوں زانت، مزن وزیر ءَ 2017 ءَ سہرا کتگ بوتگ کہ آیوکیں باندات گوں ڈیجیٹل ءَ بندوک انت، ما 2018 ءَ ریفارمز آنی بنگیج کتگ، ڈیجیٹل میڈیا ڈویلپمنٹ پروگرام ورنا اناں ٹرانسفارم کنگ ءِ سبب جوڑ بیت۔ اے ھیالانی درشای آئی ءَ آدینگ ءِ روچ ءَ ڈیجیٹل میڈیا ڈویلپمنٹ پروگرام ءِ مراگش ءَ گوں گشتانک دیان ءَ کت۔ بنجاھی وزیر اھوالکاری ءَ گوشت کہ آ 2016 ءَ چہ پاکستان تحریک انصاف ءَ ڈیجیٹل میڈیا ءَ را چارگ ءَ انت، پاکستان تحریک انصاف ءِ دیجیٹل میڈیا ریاست ءِ ڈیجیٹل میڈیا ءَ چہ گیش مھکم انت، گوستگیں حکومت آں وزارت ءَ را پارٹی ءِ ترجمان جوڑ کتگ ایشی ءَ چہ ریاستی بیانیہ ءِ مٹ ءَ پارٹی ءِ بیانیہ آناں دیمروئی رستگ۔ پی ٹی وی، اے پی پی ءُ پی آئی ڈی تباہی ءِ نیمگ ءَ جنزگ ءَ بوتگ انت، ہیومن ریسورس ءِ جاور ھال گہتر بوتگ انت، ایوک ءَ پی آئی ڈی کراچی ءَ 62 مردم آنی اسٹاف ءَ چہ یک مردمے ءَ ایم اے، سئے بی اے ءُ ایندگر توامیں مردم میٹرک پاس بوتگ انت۔ اے پی پی، ریڈیو پاکستان ءُ پی ٹی وی ءِ اربانی کلدار ءِ بجٹ انت بلے آ ریاست ءِ بیانیہ ءَ پیش کنگ باز ناکام بوتگ انت، آئی ءَ گوشت کہ پاکستان تحریک انصاف ءَ انچیں رنگے ءِ نظام ءِ جوڑ کتگ، ھما ھمیشی ءِ نیمگ ءَ جنزگ لوٹاں۔ مزن وزیر عمران خان ءَ 2017 ءَ سہرا کتگ بوتگ کہ آیوکیں باندات ڈیجیٹل ءَ گوں بندوک انت، ما 2018 ءَ ریفارمز آنی بنگیج کتگ، 2020 ءَ ڈیجیٹل میڈیا ونگ جوڑ کتگ، پی ٹی وی ءَ را ایچ ڈی کتگ، اے پی پی ءَ را دیجیٹل نیوز ایجنسی جوڑ کتگ، مرچی ریڈیو پاکستان ءِ ایپلی کیشن گہتریں ایپس آنی تہ ءَ ھوار انت، آئی ءَ گوشت کہ مزن وزیر عمران خان ءِ سروکی ءَ آیگ َ ءَ چہ پیسر مئے سروک آں پبلک ڈپلومیسی ِ ءِ ارزشت نہ زانتگ بوتگ وھدیکہ مزن وزیر عمران خان میڈیا ءِ ارزشت ءَ را گوں جوانیں ءَ زانت۔ ایوک ءَ گوزوکیں ھپتگ ءَ مزن وزیر ءِ دزگٹی ءَ را چارگ بہ بیت گڈا دگنیا ءِ میڈیا ءَ مزن وزیر ءِ انٹرویو شنگ بوتگ۔ ھمینچوک وھد مزن وزیر میڈیا ءَ را دیگ ءَ انت۔ ایشی ءَ چہ پیسراچ کس ءَ اے رنگ وھد نہ داتگ۔ بنجاھی وزیر اھوالکاری ءُ شنگ کاری ءَ گوشت کہ اے وھدءَ 42 جرنلزم سکولز کار کنگ ءَ انت، ایشانی کورس اپ ڈیٹ نہ بوتگ انت۔ وزارت ءِ اھوالکاری ءُ شنگ کاری ءَ ھما اپسرگ سی ایس ایس کنگ ءَ بوتگ انت آ گوں ڈیجیٹل میڈیا ءَ جوانی ءَ سرپد ءُ سئیگ نہ اتنت۔ ،ا انفارمیشن سروسز اکیڈمی ِ توامیں کورس آناں مٹ کنگ ءَ آں تانکہ ما وتی اپسرگ آناں ڈیجیٹل میڈیا ءِ بابت ءَ سرپدی پجاری کت بکن آں۔
