اسلام آباد۔24ستمبر (اے پی پی): وزیر ءِ درئی کار شاہ محمود قریشی ءَ یونائیٹڈ نیشن ءِ جنرل اسمبلی ءِ صدر ءَ گوں گند ءُ نند کت ایشی ءِ اندر ءَ آئی ءَ جنرل اسمبلی ءِ صدر ءَ را مقبوضہ جموں کشمیر ءَ بھارتی ارد ءِ نیمگ ءَ مزنیں کساس ءَ بنی آدمی ھک آنی لگت مالی ءُ جنگی دست مانجنی آنی ڈوزیئر پیش کت ءُ اوگانستان ءَ مھکمیں ایمنی ءُ برجائی ءِ واستہ پاکستان ءِ کوشست آنی بابت ءَ سرپد کت۔ آدینگ ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ وزیر ءِ درئی کار شاہ محمود قریشی ءَ یونائیٹڈ نیشن ءِ جنرل اسمبلی ءِ 76 ھپتاد ءُ ششمی دیوان ءِ موہ ءَ صدر جنرل اسمبلی عبداللہ شاہد ءَ گوں گند ءُ نند کت اے گند ءُ نند ءَ یونائیٹڈ نیشن ءِ ھیڈ کوارٹر نیویارک ءَ صدر جنرل اسمبلی ءِ چیمبر ءَ بوت وزیر ءِ درئی کار ءَ صدر جنرل اسمبلی ءَ را سیٹ ءِ گرگ ءِ پد ءَ مبارک بات دیان ءَ امیت سہرا کت کہ اے ارزشتی ایں کارگس َ ءَ تئی ساڑی بوت ءَ چہ یونائیٹڈ نیشن ءِ ایجنڈا آنی تہ ءَ ھواریں جیڈھ آنی گیواری ءَ کمک رسیت۔ وزیر ءِ درئی کار ءَ صدر جنرل اسمبلی ءَ را مقبوضہ جموں کشمیر ” آئی آئی او جے کے” ءَ بنی آدمی ڈکالی ءُ لگت مالی ءِ بابت ءَسرپد کت۔ آئی ءَ گوشت ک ما پھماں کہ یونائیٹڈ نیشن ءِ سلامتی کونسل ءِ گہتری ءِ پیسلہ وت مہ وتی تپاکی ءَ گوں گیوار بہ بیت، مخدوم شاہ محمود قریشی اسلامو فوبیا ءِ گیش بوکیں واکیہ آنی گر ءُ دار، ویکسین ءِ نیستی ءِ ھلاسی ءُ دیمروئی کنوکیں ملک آنی ھووپ ءِ نادراھی ءِنتیجگ ءَ دیم ءَ آیوکیں معاشی ڈکال ءَ گوں گر ءُ چیل بوھگ ءِ وساتہ جوانیں مالی کمک آناں دل یکیمی جوڑ کنگ ءِ ضلورت انت۔
