مخدوم شاہ محمود قریشی ءِ رومانیہ ءِ ھمکار  بوگڈن آریسکو ءِ گوما گند ءُ نند

اسلام آباد۔24ستمبر  (اے پی پی):وزیر ءِ درئی کار مخدوم شاہ محمود قریشی ءَ  یونائیٹڈ نیشن  ءِ جنرل اسمبلی ءِ 76 ھپتاد ءُ ششمی دیوان ءِ موہ ءَ آدینگ ءِ روچ ءَ رومانئی ءِ وتی ھمکار بوگڈن اریسکو ءِ  گوما گند ءُ نند کت۔ ترجمان درئی کارانی کارگس ءِ رد ءَ دوئیں وزیر ءِ درئی کار آنی نیام ءَ دو نیمگی یکوئی ءُا وگانستان ءِ استیں جاور ھال آنی ھوالگ ءَ سرجمیں  ھیال ریچی کنت بوت۔ وزیر ءِدرئی کار ءَ گوشت کہ پاکستان ، رومانئی ءِ گوما دو نیمگی یکوئی آناں سک باز ارزشست دنت۔  آئی ءَ گوشت کہ پاکستان ءُ رومانیہ ءِ نیام ءَ تجارتی ءُ اقتصادی یکوئی آنی دیمروئی ءَ پاک۔ رومانیہ بزنس کونسل ءُ یکجائی اقتصادی کمیشن ءِ برجائی، ارزشتی ایں کرد ءِ پیلو کت کنت۔   آئی ءَ رومانیہ ءِ وزیر ءِ درئی کار ءَ را اوگانستان ءِ جاورھال  ءُ آیوکیں باندات ءِ گامگیج آنی ھوالگ ءَ چہ ، پاکستا ن ءِ لیکہ ءِ ھوالگ ءَ سرپد کت۔  رومانیہ ءِ وزیر ءِ درئی کار ءَ کابل ءَ چہ رومانوی شہری  آنی  ایمنی ءَ گوں در کنگ ءِ پد ءَ گیشاں چہ گیش کمک پجاری ءِ پد ءَ وزیر ءِ درئی کار مخدوم شاہ محمود قریشی ءُ پاکستانی سروک آنی شگر ءُ منت واری گپت۔