اسلام آباد۔24ستمبر (اے پی پی): مزن وزیر عمران خان ءَ بنجاھی وزیر ، بلوچستان ءُ خیبر پختونخوا ءِ سر وزیر آنی ھمبراھی ءَ آدینگ ءِ روچ ءَ آئی ایس آئی سیکرٹریٹ ءِ تر ءُ تاب کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ چیف آف آرمی سٹاف جنرل قمر جاوید باجوہ، چیف آف نیول سٹاف ایڈمرل محمد امجد خان نیازی، ءُ چیف آف ائیر سٹاف ائیر چیف مارشل ظہیر احمد بابر ھم اے موہ ءِ سر ءَ ساڑی اتنت۔ ڈی جی آئی ایس آئی لیفٹیننٹ جنرل فیض حمید ءَ سیکرٹریٹ ءَ آیگ ءِ پد ءَ آئی ءِ شگر ءُ منت ءُ وش اتک کت۔ بیان ءِ رد ءَ دیوان ءَ ءَ مزن تکی راجی ءُ اردی سروکی ءَ را ملکی سلامتی ءُ اوگانستان ءِ استیں جاور ھال آنی رد ءَ پڑ ءِ سہرا بوھوکیں جاور ھال آنی ھوالگ ءَ بریفنگ دیگ بوت۔ مزن وزیر ءَ راجی سلامتی ءِ استیں جیڈھ آنی گوما گر ءُ چیل بوھگ ءِ واستہ آئی ایس آئی ءِ کزبی ازمکاری آناں ساڑات۔
