اسلام آباد۔24ستمبر (اے پی پی): مزن وزیر عمران خان ءَ گوں سر وزیر بلوچستان جام کمال ءَ گند ءُ نند کت۔ آدینگ ءِ روچ ءَ مزن وزیر کارگس ءِ میڈیا ونگگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ بلوچستان ءِ دیمروئی پیکیج ءِ چیر دستی ءَ جاڑیگیں منصوبگ آنی ھوالگ ءَ گپ ءُ تران کنگ بوت۔ تیاب دپی دمگ آنی اندر ءَ سیل ءُ سواد ءِ دیمروئی ءِ واستہ دیمروئی منصوبگ ءُ “معدنیات” ءِ شوبگ ءَ بنجاھی حکومت ءِ نیمگ ءَ جتا جتائیں پروگرام آنی سر ءَ گپ ءُ تران کنگ بوت۔
