اسلام آباد۔ 24ستمبر (اے پی پی) پارلیمانی امور نا وزیر مملکت علی محمد خان پارینے کہ قبائلی علاقہ غاتا شونداری ءِ اولیت ایتنہ، مچ آ ملک اٹی تھری و فورجی سروس نا فراوانی آ چکار کرینن۔ جمعہ نادے آ بڑزکو ایوان نا دیوان اٹی وقفہ سوج آتے ٹی سینیٹر مشتاق احمد و سینیٹر طاہر بزنجو نا سوج آتا ورندی ٹی او پارے کہ داوخت آ مسکوہی فاٹا نا غٹ ضلع غاتے ٹی کال سروس دوئی ءِ، مچ آ ملک اٹی انٹرنیٹ سروس نا فراوانی نا حکومتی وژن نا رداٹ باجوڑ، سویلی وزیرستان وخیبرضلع غاتے ٹی انٹرنیٹ سروس ءِ بحال کننگانے وخت اس کہ ایلو علاقہ غاتے ٹی انٹرنیٹ سروس مرحلہ وار بحال کننگک۔
