اسلام آباد۔ 24ستمبر (اے پی پی) قومی اسمبلی ءِ پاننگانے کہ پاکستان ہاؤسنگ اتھارٹی، پی ایچ اے نا کنڈآن کوئٹہ ٹی سرکاری ملازم آتے کن فلیٹس تفنگ انگ ءِ۔ جمعہ نادے آ قومی اسمبلی ٹی مولانا عبدالاکبر چترالی نا سوج انا ورندی ٹی ایوان ءِ نوشتہی وڑاٹ معلومدار کننگاکہ پاکستان ہاؤسنگ اتھارٹی نا کنڈآن کچلاک سڑک ڈٹ کوئٹہ نا ہند آ اول ببو اول ہلبو نا بنداو آ فلیٹس آتا تفنگ برجاءِ۔ داٹی بنجائی حکومت نا ملازم آتے کن 30درسد، بلوچستان حکومت نا ملازم آتے کن 30درسد، الس کن 30درسد، ہزارہ برادری نا شہید آتے کن 5درسد و پاکستان ہاؤسنگ اتھارٹی و وزارت ہاؤسنگ اینڈ ورکس اکن 5درسدکوٹہ جتا ءِ۔ ایوان ءِ پاننگاکہ 2023ء ٹی ڈٹ انا پوروی آعام نیلامی نا کمک اٹ کمرشل علاقہ ءِ جتا کننگک۔
