اسلام آباد۔ 24ستمبر (اے پی پی) بنجائی وزیر امو رکشمیر و گلگت بلتستان علی امین خان گنڈاپور پارینے کہ پاکستان دنیا نا غٹ فورم تیا کشمیری تا حق انا توار ءِ پبی وڑاٹ بڑزکرساکیک، وزیراعظم عمران خان اقوام متحدہ غان تینا تران اٹی کشمیر نا ویل ءِ پبی وڑاٹ تالان کیک۔ جمعہ نادے آ اسہ بیان اسے ٹی او مقبوضہ کشمیر اٹی برجا بھارتی بربریت نا مذمت ءِ کرسا پارے کہ بھارتی فوج کشمیری ورناتے عدالت آن ایڑتر قتل کننگ ءِ۔ بنجائی وزیر امور کشمیر و گلگت بلتستان پارے کہ مقبوضہ کشمیر اٹی پن انا سرچ آپریشن اٹی کشمیری تے شہید کننگ نا چرجوئی بے تک برجاءِ، بھارت جعلی ڈومیسائل نا کمک اٹ غیرکانودی کوزہ گیری ٹی کشمیر نا ڈیموگرافی ءِ بدل کننگ ءِ۔ علی امین گنڈاپور پارے کہ وزیراعظم عمران خان اقوام متحدہ غان تینا تران اٹی کشمیر ناویل ءِ پبی وڑاٹ تالان کیک، وزیراعظم غیرکانودی کوزہ گیری ٹی کشمیر اٹی برجابھارتی بربریت ءِ بے نقاب کیک، پاکستان دنیا نا غٹ فورم تیا کشمیری تا حق انا توار ءِ پبی وڑاٹ بڑزکرسا کیک، اوپارے کہ ترکی نا صدر رجب طیب اردگان نا کنڈآن کشمیری تا پبی مخ تفی آ ترک حکومت و الس ءِ سلام پیش کینہ۔
