اسلام آباد، نیویارک۔24ستمبر (اے پی پی): دری کارانی وزیر مخدوم شاہ محمود قریشی ءَ گشتگ کہ اوگانستان ءَ محکمیں امنء ُ ایمنی ء ُ محکمی پہ خطہ ءِ ھاترءَ باز حاس اِنت۔ جمعہ ءِ روچءَ دری کارانی جارچین ءِ گشگ ءِ ردءَ دری کارانی وزیر ءَ نیویارک ءَ اقوام متحدہ ءِ جنرل اسمبلی ءِ 76 می دیوان ءِ موہ ءَ جاپان ءِ دری کارانی وزیر توشی مِٹسوموتیجی ءَ گوں گند ء ُنندکتگ۔ دوئیں دری کارانی وزیر ءِ نیام ءَ دونیمگی سیادی، اوگانستان ءِ جاورھال ءَ ہوار ہدوناکی ءِ ایندگہ کارانی سرءَ ھیا ل ء ُ لیکہ ءِ درشانی کنگ بوتگ۔ مخدوم شاہ محمود قریشی ءَ گشتگ کہ ما 2022 ءَ پاکستان ءُ جاپان ءِ سفارتی سیادی ءِ 70 می ودی روچ ءَ را گوں جوش ء ُ جزبگ ءَ گوازینگ لوٹاں۔ آئی ءَ گشتگ کہ دری کارانی وزیر مخدوم شاہ محمود قریشی ء َ جاپانی دری کارانی وزیر ءَ را اوگانستان ءِ انوگیں جاورھال ءِ ہوالگءَ پاکستان ءِ ھیال ء ُ لیکہ ءَ چہ سرپد کتگ ۔ اوگانستان ءَ محکمیں امنء ُ ایمنی ء ُ محکمی پہ خطہ ء ِ امن ء ُ ایمنی ھاترءَ باز حاس اِنت۔ دری کارانی وزیر مخدوم شاہ محمود قریشی ءَ بھارت ءِ نیمگ ءَ چہ مقبوضہ جموں ء ُ کشمیر ء َ زُلم ء ُ ناحقی ءِ ھلاپ ورزی آنی یک ” ڈوزیئر” جاپانی دری کارانی وزیر ءَ را پیش کتگ۔
