روشن ڈیجیٹل اکائونٹ  ءِ کساس ء، تہ ءَ گیشی ڈن ملک ءَ نندوکیں پاکستنای آنی حکومت ءِ سر ءَ پالیشی آنی سر ءَ دل یکیمی ءِ درشان  ءَ کنت، مزن وزیر عمران خان  ءِ گورنر سٹیٹ بنک رضا باقر ءَ گوں گند ءُ   نند ءَ تران

اسلام آباد۔22ستمبر  (اے پی پی): مزن وزیر عمران خان ءَ گوشت کہ روشن ڈیجیٹل اکاوئنٹ ءِ کساس ءِ تہ ءَ گیشی ڈن ملک ءَ نندوکیں پاکستانی آنی حکومت ءِ پالیشی آنی سر ءَ دل یکیمی ءِ درشان انت۔ آئی  ءَ اے گپ گورنر سٹیٹ بنک رضا باقر ءَ گوں  تران ءِ ساھت ءَ کت انت آئی ءَ چار شمبے ءِ روچ ءَ آئی ءَ گوں گند ءُ نند کت۔ گورنر سٹیٹ بنک ءَ مزن وزیر ءَ را معاشی برجائی، روشن ڈیجیٹل ا کاونٹ  ءُ کرنٹ اکائونٹ  آئی بابت ءَ بریفنگ دات۔  ایشی ءِ تہ ءَ آءی ءَ گوشگ بوت کہ ڈن ملک ءَ نندوکیں پاکستانی آں انوگ ءَ تاں  دو لکھ چار ہزار روشن ڈیجیٹل  اکاونٹ پچ کنگ، آئی  ءَ  گوشت اکائونٹس  ءِ کساس   ءِ تہ ءَ  ھمک روچ  ءِ بنیات ءَ کساس یک ہزار اکاونٹ  ءِ گیشی بوھگ ءَ انت۔ گورنر اسٹیٹ بنک ءَ گوشت کہ روشن ڈیجیٹل اکاونٹ ءَ انوگ ءَ تاں ڈن ملک ءَ چہ 2.3 ارب ڈالر  روان دیگ بوت۔