میدان ءَ وتی سر ءَ یکیمی ءُ باج برگ ءِ جوزگ ءَ ایر کپ،  ازمت ءَ چہ یک مھکمیں ٹیمب ءِ جوڑ  بیت، سرجمیں راج ءِ ٹیمب ءَ  گوں امیت بندوک انت، مزن وزیر  عمران خان ءَ گوں راجی کرکٹ ٹیمب ءَ گند ءُ نند ءَ تران

اسلام آباد۔22ستمبر  (اے پی پی): مزن وزیر عمران خان ءَ  گوں راجی کرکٹ ٹیمب ءِ لیبی  آناں زور پر دات کہ آ میدان ءَ وتی سر ءَ یکیم ءِ گوما  ءُ باج برگ ءِ  جوزگ ءَ ایر بکپ  انت،    جوانیں لیب ءُ مھکمیں ٹیمب  ءِ بہ بنت، سرجمیں راج ءِ امیت ٹیمب ءَ گوں بندک انت۔ آئی ءَ اے گپ راجی کرکٹ ٹیمب ءَ گوں تران کنان ءَ  کت  آئی ءَ چار شمبے ءَ مزن وزیر کارگس ءَ آئی ءَ گوں گند ءُ نند کت۔ گند ءُ نند ءَ ھاسیں  کمکار  ڈاکٹر شہباز گل ، سینیٹر فیصل جاوید ءُ چیئرمین  پاکستان کرکٹ بورڈ  رمیز راجہ شریک اتنت۔ گند ءُ نند ءِ بنگیج راجی کرکٹ ٹیمب ءِ لیبی  آنی توسیپ ءَ چہ کنگ بوت۔  مزن وزیر ءَ لیبی آناں کرکٹ ءِ ھوالگ ءَ ٹپس ھم دات۔  ایشی ءَ ابید مزن وزیر ءَ لیبی آں گوں وتی کرکٹ کیرئیر ءِ تجروبت  ھم شیئر کت انت۔