جوانیں سڑک ءِ جوڑیشت ءَ چہ کوچگی  ءُ شہری دمگ آنی نیام ءَ رابطہ، تجارت ءُ روزگار ءِ موہ ود انت، مزن وزیر  ءِ نیشنل ہائی وے اتھارٹی ءِ چیر دستی ءَ منصوبگ آنی سر ءَ  دیمروئی کار آنی ھوالگ ءَ دیوان  ءَ گوں گشتانک

اسلام آباد۔22ستمبر  (اے پی پی): مزن وزیر عمران خان ءَ دگ آںی منصوبگ آناں وھد ءُ موہ ءِ سر ءَ سرجمی ءِ واستہ فنڈ آنی بنگیج ءِ پنت ءُ شون ءَ کنان ءَ گوشت کہ جوانیں دگ آنی جوڑیشت ءَ چہ کوچگ ءُ شہری دمگ آنی نیام ءَ رابطہ، تجارت ءُ روزگار ءِ موہ ود انت، اے ھیالانی درشانی آئی ءَ چار شمبے ءِ روچ ءَ نیشنل ہائی وے اتھارٹی ءِ چیر دستی ءَ منصوبگ آنی دیمروئی کار آنی  سر ءَ چار ءُ تپاسی دیوان ءَ گوں گشتانک دیان ءَ کت۔ دیوان ءَ بنجاھی وزیر  رسانک مراد سعید،  بنجاھی وزیر منصوبگ بندی اسد عمر،ک  ھاسیں کمکار ڈاکٹر شہباز گل،   ڈپٹی چیئرمین منصوبگ بندی کمیشن جہانزیب خان، چیئرمین نیشنل ہائی وے اتھارٹی  ءُ کلانہ ایں اپسرگ آں  بھر زوری کت۔ بنجاھی وزیر رسانک مراد سعید ءَ دیوان ءِ  چار ءُ تپاسی  دیوان  پیش کنگ ءِ  بابت ءَ سرپد کت  کہ پیسریگیں حکومت ءَ سئے سال   آنی تہ ءَ  (16-2013) ءَ ایوک ءَ 645 کلومیٹر ءِ سڑک آنی جوڑیشت  بنت ءُ استیں حکومت ء، سئے سال آنی کلی 1753  کلومیٹر  دراجیں دگ سرجم بوتگ انت۔ منصوبگ بندی ءِ ھوالگ ءَ گوستگیں دور ءِ حکومت ءَ  سئے سال  آنی تہ ءَ 858 کلو میٹر وھدیکہ استیں حکومت ءِ سئے سال آنی تہ ءَ   6118 کلومیٹر دراجیں  دگ  ءِ منصوبگ سرجم کنگ بوتگ انت۔ مزن وزیر ءَ را گوشگ بوت کہ گوزوکیں مالی سال ءَ نیشنل ہائی وے اتھارٹی 27 منصوبگ  سرجم  بیت، بلوچستان ءَ 3000 کلو میٹر ءَ چہ گیش  دراجیں سڑک جوڑ کنگ  بوھگ ءَ انت، مزن وزیر  ءَ وتی کنشت ءِ ویژن ءِ رد ءَ منصوبگ  وام آںی مٹ ءَ پبلک پرائیویٹ پارٹنر شپ ءِ وسیلگ ءَ سرجم کنگ بوھگ ءَ انت۔  دیوان ءَ راولپنڈی تاکھاریاں، میانوالی تا مظفر آباد تا سکھر  دگ ءِ   ھوالگ ءَ کار آنی  ھوالگ ءَ چمشانک دیگ بوت۔ مزن وزیر عمران خان ءَ گوشت کہ معاشی دیمروئی ءَ  دگ آنی  ارزشتیں ایں کرد ءِ  است ۔  مزن وزیر ءَگ وشت کہ رسان ءِ ارزشتی ایں ءُ ٹوھیں منصوبگ ءِ سر ءَ ھمک روچ ءِ بنیات ءَ  وت چار ءُ بچار کنگ ءَ آں۔ آئی ءَ پنت ءُ شون کت کہ منصوبگ آناں   وھد ءُ پاس ءِ سر ءِ  سرجمی ءِ واستہ فنڈز آنی  بنگیج  دل یکیمی جوڑ کنگ بہ بیت۔