اسلام آباد۔22ستمبر (اے پی پی):صدر مملکت ڈاکٹر عارف علوی ءَ گوں ٹوکیو پیرا اولمپکس ءَ پاکستان ءِ واستہ اولی گولڈ میڈل کٹوکیں پاکستانی ایتھلیٹ حیدر علی ءَگوں گند ءُ نند کت۔ گند ُ نند ءَ بنجاھی وزیر برائے صوبگ آنی رابطہ ڈاکٹر فہمیدہ مرزا ھم ساڑی ات۔ صدر ءِ مملکت ءَ ٹوکیو پیرا اولمپکس (اگست- ستمر 2021) ءِ گولڈ میڈل در جنگ ءِ پد ءَ حیدر علی ءَ را مبارک بات دات۔ مملکت ءَ دلبڈی کنگ ءِ پد ءَ حیدر علی ءَ را 25 لکھ کلدار ءِ انعامی چیک ھم پیش کت انت۔ اے موہ ءِ سر ءَ آئی ءَ گوشت کہ حیدر علی ءَ جوانیں لیب کت ءُ پیشداشت ءُ ملک ءُ راج ءِ نام ءَ را سہرا کت۔ امیت انت کہ آیوکیں باندات ءَ گہتریں لیب کنگ ءُ پیش دار ایت۔ صدر ءِ مملکت ءَ گوشت کہ حکومت ملک ءَ لیب ءُ گوازی آنی دیمروئی ءِ واستہ گامگیج کنت ءُ کنگ ءَ انت۔ اسپیشلیں مردم آناں ملک ءِ جوانیں شہیری جوڑ کنگ ءِ واستہ ھیل کاری دیگ ءِ ضلورت انت۔ اے موہ ءِ سر ءَ ڈاکٹر فہمیدہ مرزا ءَ گوشت کہ لیب ءَ گوازی ءِ نوکیں پالیشی ءَ ھاسیں مردم آناں ھوار کناں۔
