اسلام آباد۔22ستمبر (اے پی پی):بنجاھی وزیر اھوالکاری ءُ شنگ کاری چوہدری فواد حسین ءَگ وشت کہ نیوزی لینڈ کرکٹ ٹیمب ءَ را داتگیں دھمکی ءِ ریشگ ءُ روتگ گوں بھارت ءَ مل انت، احسان اللہ احسان نامی دروگیں فیس بُک اکائونٹ ءَ چہ نیوزی لینڈ ءَ را پاکستان ءِ تر ءُ تاب ءَ چہ مکن کنگ ءِ دھمکی دیگ بوتگ، اے دروگیں آئی ڈی بھارت ءَ چہ جزیٹ بوتگ، سنڈے گارڈین ءَ نیوزی لینڈ ٹیمب ءِ تر ءُ تاب ءِ ھلاپ ءَ دھمکی والا ایں آرٹیکل ءِ نبشتہ کتگ، نیوزی لینڈ ءِ اوپز مارٹن گپٹل ءِ لوگ بانُک ھم دھمکی والائیں میل ءِ روان داتگ، نیوزی لینڈ ءِ ٹیمب ءَ را ھما دھمکی دیگ بوتگ ایشانی بُنزہ بھارت بوتگ، نیوزی لینڈ ءِ تر ءُ تاب ءِ واپس کنگ ءِ مول ءُ مراد پاکستان ءَ را شرمندگ کنگ بوتگ، بھارت توری ھرچی کوشست بکنت، ایشرا ناکام کنگ لوٹ ایت، آئی سی سی نیوزی لینڈ ءُ دومی ٹیمب آنی پاکستان ءِ تر ءُ تاب ءِ ھوالگ ءَ رسوکیں دھمکی آنی نوٹس ءَ بہ زور ایت، پی سی بی ء حکومت نیوزی لینڈ ءِ تر ءُ تاب ءِ واپسی ءِ پسو ءَ کن انت، توامیں میان اوستمانی کرکٹرز آنی شگر ءُ منت ءَ گراں ایش سکیں ساھت ءَ پاکستان ءِ گوما ھمگام ءَ اوشتاتگ انت۔ اے ھیالانی درشانی آئی ءَ چار شمبے ءِ روچ ءَ وزیر ءِ توکی کار شیخ رشید احمد ءِ ھمبراھی ءَ پریس کانفرنس ءَ گوں گشتانک دیان ءَ کت۔ بنجاھی وزیر اھوالکاری ءَ گوشت کہ پاکستان ءَ را ففتھ جنریشن ہائبرڈ وار ءُ میڈیا وار ءِ گوما دیم پہ دیمی انت، وھد ءِ تحریک لبیک ءِ تحریک چلگ ءَ ات ایشرا ہندوستان ءَ چہ سپورٹ رستگ، سوشل میڈیا وار فیئر جوڑ اَت، ٹویٹس بوتگ، تحریک لبیک ءَ مردم وتی ایمان ءُ دل یکیمی ءُ شرپ ءِ سبب ءَ ھوار بوتگ انت بلے ایشاں کجام رنگ ءَ چیریں مول ءُ مراد آنی ھاترا کارمرز کنگ بوت ایش وت سرپد نہ اتاں۔ آئی ءَ گوشت کہ نیوزی لینڈ ءِ کرکٹ ٹیمب ءِ وھد ءِ تر ءُ تاب رد بوھگ ءَ ات اے وھد ءَ ایس سی او ءِ سروکیں دیوان کنگ بوھگ ءَ ات، مزن وزیر ءِ گشتانک بوھگی ات، گشتانک ءَ چہ کساس 15 منٹ پیسر منا اے کلوہ رستگ ات کہ نیوزی لینڈ ِ ٹیمب وتی تر ءُ تاب ءَ ھلاس کنگ ءَ انت، وزیر ءِ درئی کار شاہ محمود قریشی ، راجی سلامتی ءِ مشیر معید یوسف ءُ مزن وزیر ءِ پرسنل اسٹاف ءِ گوما یکجائی ءَ ما شور ءُ مشور کتگ ءُ گوشتگ کہ اے ھال مزن وزیر ءَ را آئی ءِ گشتانک ءَ چہ پد دیگ بیت تانکہ آئی ءِ گشتانک ءَ اچ رنگیں مھتلی ءِ مہ بیت، ایشی ءَ چہ اندازگ جنگ بوت کنت کہ اے جاور ھال پاکستان ءُ ایشی ءِ الس آنی واستہ چینکیاس گران بوتگ انت۔ نیوزی لینڈ ءِ تر ءُ تاب ءِ ھلاسی ءَ چہ پد پاکستنا ءِ مردم گمجتی ءُ کینگ ءِ تہ ءَ انت، بازیں مردم ناراض انت۔
