اسلام آباد۔ 22ستمبر (اے پی پی) وزیراعظم نا سلاہکار واپار عبدالرزاق داؤد پارینے کہ سام سنگ الیکٹرونکس کراچی ٹی ٹی وی لائن اپ پلانٹ اس جوڑ کیک۔ چارشنبے نادے آ تینا بیان اٹی سلاہکار واپار عبدالرزاق داؤد پارے کہ سام سنگ الیکٹرونکس کراچی ٹی ٹی وی لائن اپ پلانٹ اس جوڑ کننگ ءِ۔ داپلانٹ 2021نا چارمیکو سہ ماہی ٹی فعال مریک۔ اوپارے کہ داپلانٹ نا فعال مننگ آن پد 50ہزار یونٹ نا سالانہ پیدوار مریک۔ سلاہکار واپار پارے کہ وزارت واپار نا صنعت آتے مون آدننگ کن میک ان پاکستان پالیسی نا سوب آن داممکن مسنے۔ حکومت ان پٹ خڑچ، صنعتی بشخ انا ریشنلائزیشن و ایلو آسراتی تے تسنے۔
