اسلام آباد۔ 22ستمبر (اے پی پی) وزیر مملکت حوالکاری و شینکاری فرخ حبیب پارینے کہ چندی جہانی مالیاتی ادارہ غاتیانبار ایشیائی شونداری بینک انا کنڈآن ہم پاکستانی زرگزران اٹ گچینی نا پیش گوئی ستاکڑزک، اے ڈی پی راجی رکھ، ادارہ جاتی اصلاحات آن زرگزرانی گروتھ، پاکستان نا برآمد آتے ٹی ودکی و مینو فیکچرنگ بشخ انا کارکڑد اٹ نمان گچینی ءِ پک کرینے۔ چارشنبے نادے آ تینا ٹویٹ اٹی وزیر مملکت پارے کہ اے ڈی پی کورونا دین انا جلہو آتے ٹی پاکستان ناسرسہب حکمت عملی نا اعتراف ءِ کرینے۔ اوپارے کہ ننا اپوزیشن اول اٹ ہی مچ آ ملک ءِ بند کننگ نا پارسا کرے ولے وزیراعظم عمران خان دیہاڑی دار آتا فائدہ و زرگزران ناپہیہ چلیفنگ کن گچین حکمت عملی اختیار کرسا زند و روزگار ءِ رکھ کرے۔
