اسلام آباد۔21ستمبر (اے پی پی):وفاقی وزیر اطلاعات و نشریات چوہدری فواد حسین ءَ گوشت کہ گچین کاری گہتری کار وھد ءِ ضلورت انت، اپوزیشن راجی جیڈھ آنی مٹ ءَ وتی زاتی سیت آناں ترجی دیگ ءَ انت۔ اپوزیشن دل یکیمی ءِ در شان ءَ نہ کنگ ءَ انت، اپوزیشن ءِ مول ءُ مراد لُٹئیتگیں زر آناں رکھینگ انت، اگاں ما اے جیڈھ ءَ را یل بدیاں گڈا آ سیاست ءَ چہ ریٹائر بوھگ ءَ تیار بنت، زر ءَ آدیم نندوکیں پاکستانی مئے معیشت ءِ سیرین ءِ ھڈ ءِ بستار ءَ دار انت، اوورسیز پاکستانی آنی ووٹ ءِ ھک دیگ مئے اولی ترجی انت، پولیو ءِ ھلاپ ءَ جنگ ءَ مارا ٹوھیں کامیاتی رستگ، گوستگیں ھپت ماہ ءِ ساھت ءَ ایوک ءَ یک پولیو ءِ کیس ءِ ریکاٹ بوتگ۔ گریڈ یک ءَ بگر تاں 22 گریڈ ءِ مزور آنی ہائوس رینٹ سیلنگ ءَ 44 درسد گیشی کنگ بوتگ، ازبکستان ءَ را بزنس ویزا لسٹ ءِ تہ ءَ ھوار کنگ ءِ پیسلہ کنگ بوتگ، سوشل میڈیا ءَ گیر اخلاقی چیز آنی اپلوڈ کنوک آنی ھلاپ ءَ کانود جوڑ کنگ ءَ آں، سینیما ءِ شوبگ ءَ را دیمروئی ءِ واستہ دمگی ملک آں چہ فلم ءِ نماش ءِ اجازت دیگ بوھگ ءَ انت، ھپتمی مردم شماری 18 ماہ ءَ چہ سرجم کنگ بیت، ایشی ءِ اندر ءَ نوکیں ٹیکنالوجی ءَ را کارمرز کنگ بیت، کرکٹ سیریز ءِ واپیس ءَ چہ ایوک ءَ پی ٹی وی ءَ را کروڑانی کلدار ءِ تاوان بوتگ، ہائبرڈ وار ءُ فیک نیوز یک ءِ ددومیگ ءَ گوں بندوک انت، راج ھمک رنگیں جیڈھ ءَ گوں دیم پہ دیم بوھگ ءَ تیار انت، وھد ءِ ما Absolutely Not گوشاں گڈا قیمت دیگ کپ ایت۔ اے ھیالانی درشانی آئی ءَ سئے شمبے ءِ روچ ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیان ءَ کت۔
