اسلام آباد۔ 21ستمبر (اے پی پی) وزیرخارجہ مخدوم شاہ محمود قریشی اینو(سے شنبے)نادے آ نیویارک اٹی اختہ ءُ دے اس گدریفک۔ وزیرخارجہ اینو سے شنبے نادے آ نیویارک اٹی اقوام متحدہ نا جنرل اسمبلی نا 76می دیوان نا بنائی سیشن اٹ شرکت و نیویارک اٹی کونسل آن فارن ریلیشنز اٹی ”پاک امریکہ تعلقداری و علاقائی امن و سوگوی نا بابت گپ وتران کیک ہرادے براہ راست شینک کننگک۔ وزیرخارجہ، نیویارک اٹی اڈ ہلوک آ ”ڈی ایٹ نا وزارتی کہول انا دیوان“ اٹی بشخ ہلیک و گپ وتران کیک۔ وزیرخارجہ، اقوام متحدہ جنرل اسمبلی نا 76می دیوان نا وخت آ چندی ملک آتا وزیرخارجہ غاتون اوڑدہی کیک، دااوڑدہی تیٹی ہڑتوم آ کنڈآتا تعلقداری، تین پہ تینی است خواہی نا بشخ آتے ٹی کمکاری ءِ مون آ دننگ و علاقائی امن و سلامتی نا بابت گپ وتران کننگک۔ وزیرخارجہ، اہم علاقائی و جہانی باندات آ ہندی و جہانی میڈیا ءِ پاکستان نا نقطہ نظرآن معلومدار کیک۔
