چیف آف آرمی اسٹاف جنرل قمر جاوید باجوہ تون پاکستان اٹی یونان نا سفیر آندریاس پاپاستاورونا اوڑدہی، اوغانستان نا حالیت، چندی بشخ آتے ٹی کمکاری آ گپ وتران

راولپنڈی۔ 21ستمبر (اے پی پی) چیف آف آرمی اسٹاف جنرل قمر جاوید باجوہ تون پاکستان اٹی یونان نا سفیر آندریاس پاپاستاورو سے شنبے نادے آ داڑے جی ایچ کیو ٹی اوڑدہی کرے۔ اوڑدہی ٹی تین پہ تینی است خواہی نا باندات، علاقائی سلامتی خاص وڑاٹ اوغانستان نا ساڑی آ حالیت و چندی بشخ آتے ٹی کمکاری آ گپ وتران کننگا۔ پاک فوج انا شعبہ تعلقات عامہ نا رداٹ داوخت آ آرمی چیف پارے کہ پاکستان تینا جہانی شریدار آتون ڈیہہ ٹی امن و اوغان الس نا سوگو و شونہال آخبت ءِ پک کننگ کن سنبرینگوک ءِ۔ آرمی چیف داہیت انا درشانی ءِ کرے کہ پاکستان ہروڑنا جہانی سیل و سوات، گوازی و کاروباری سرجزآتے کن رکھوک ءِ و نن اسیجائی فائدہ غاتا غٹ بشخ آتے ٹی جان جوڑ ہڑتوم آ کنڈآتا ہن و برنا است بڈی ءِ کینہ۔ یونان نا سفیر مربوط قومی ردعمل نا کمک اٹ کورونا دین انا مون ءِ توننگ اٹ پاکستان نا کوشست آتا ستاءِ کرے۔ اواوغان حالیت بشمول سرسہب پیش تمنگ نا آپریشن و علاقائی سوگوی نا کوشست آتے ٹی پاکستان نا کڑد انا ہم ستاءِ کرے۔