تدوک آ 24گھنٹہ ٹی کورونا دین انا 1897کیس، 81مرک رپورٹ مس، نیشنل کمانڈ اینڈ آپریشن سینٹر

اسلام آباد۔ 21ستمبر (اے پی پی) تدوک آ بیست ءُ چار گھنٹہ ٹی کورونا دین انا سوب آن پنجاب آن پد سندھ اٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 81مرک مس ہرافتیان 20مرک وینٹی لیٹرآتیا ساڑی ناجوڑ آتا ئسر۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24گھنٹہ ٹی مچ آ ملک اٹی 1ہزار 897بندغ آتا کوویڈ۔ 19ٹیسٹ مثبت بس۔ ملک انا 4بھلا شار تے ٹی وینٹی لیٹرآتیا کوویڈ۔ 19نا ناجوڑآتا بیٹ کچ انا رداٹ بہاولپور اٹی 40درسد، لاہور اٹی 64درسد، ملتان اٹی 86درسد و سرگودھا ٹی 60درسد ناجوڑ ءُ۔ ہنداوڑاٹ ملک انا چار بھلاشارتے ٹی آکسیجن نا آسراتی والا کٹ آتیا کورونا نا مثبت کیس آتا بیٹ کچ انا رداٹ صوابی ٹی 63درسد، فیصل آباد اٹی 54درسد، ملتان اٹی 53درسد وسرگودھاٹی 56درسد ناجوڑ ءُ۔ تدوک آ 24گھنٹہ ٹی کوویڈ۔ 19نا 46ہزار 231ٹیسٹ کننگا ہرافتیان سندھ اٹی 12ہزار 306، پنجاب اٹی 18ہزار 198، خیبرپختونخوا ٹی 9ہزار 11، اسلام آباد اٹی 4ہزار 408، بلوچستان اٹی 1ہزار 268، گلگت بلتستان اٹی 356ٹیسٹ، آزاد کشمیر اٹی 684ٹیسٹ اوار ءُ۔ داتم اسکان مچ آ ملک اٹی کوویڈ۔ 19آن دراخ جوڑ مروک آتا کچ 11لکھ 37ہزار 656مسنے۔ بلوچستان و گلگت بلتستان اٹی کوویڈ۔ 19نا اسہ ناجوڑاس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19کن جتا وینٹی لیٹرآتیا 545ناجوڑ ءُ۔ مچ آ ملک اٹی کوویڈ۔ 19نا ایکٹیو کیس آتا کچ 62ہزار 922ءِ۔ مچ آ ملک اٹی کورونا دین آن زہمی بندغ آتا کچ 12لکھ 27ہزار 905ءِ ہرافتیان آزاد کشمیر اٹی 33ہزار 821، بلوچستان اٹی 32ہزار 772، گلگت بلتستان اٹی 10ہزار 257، اسلام آباد اٹی 1لکھ 4ہزار 348، خیبرپختونخوا ٹی 1لکھ 71ہزار 589، پنجاب اٹی 4لکھ 23ہزار 670و سندھ اٹی 4لکھ 51ہزار 448ناجوڑ ءُ۔ مچ آ ملک اٹی کورونا دین آن زوال کروک آتا کچ 27ہزار 327مسنے۔ ہرافتیان سندھ اٹی 7ہزار 289مرک وخت اس کہ تدوک آ بیست ءُ چار گھنٹہ ٹی 17ناجوڑ ہسپتال آتے ٹی وخت اس کہ 2ناجوڑ اُراتے ٹی قرنطینہ ٹی دادین آن زوال کریر۔ پنجاب اٹی 12ہزار 449مرک وخت اس کہ تدوک آ بیست ءُ چار گھنٹہ ٹی 35ناجوڑ ہسپتال آتے ٹی وخت اس کہ 7ناجوڑ اُراتے ٹی قرنطینہ ٹی دادین آن زوال کریر۔ خیبرپختونخوا ٹی 5ہزار 426مرک وخت اس کہ تدوک آ بیست ءُ چار گھنٹہ ٹی 14ناجوڑ ہسپتال آتے ٹی دادین آن زوال کریر۔ اسلام آباد اٹی کل 904مرک وخت اس کہ تدوک آ بیست ءُ چار گھنٹہ ٹی 2ناجوڑ ہسپتال آتے ٹی دادین آن زوال کریر۔ بلوچستان اٹی کل 344مرک، گلگت بلتستان اٹی 182مرک، آزاد کشمیر اٹی دادین آن 733مرک وخت اس کہ تدوک آ بیستءُ چار گھنٹہ ٹی 4ناجوڑ ہسپتال آتے ٹی دادین آن زوال کریر۔ داتم اسکان مچ آ ملک اٹی کوویڈ۔ 19نا 1کروڑ 89لکھ 50ہزار 39ٹیسٹ کننگانے۔ مچ آ ملک اٹی کوویڈ۔ 19نا درمان کن 640ہسپتال آتے ٹی 5ہزار 85ناجوڑ درمان مننگ ءُ۔