اسلام آباد۔20ستمبر (اے پی پی):پاکستان ا وگانستان ءَ ھاسیں رد ءَ گوستگیں کساس دو ماہ ءُ نیم ءَ چہ ترندی ءَ گوں مٹ بوھوکیں جاور آنی رد ءَ ایمنی ءِ برجائی ءِ واستہ کلیتی کرد ءِ بوتگ ءُ گوست ءِ وڑ ءَ مرچی ھم وتی ساپ دلی ءُ گواچنی کوشست آناں کارمرز کنان ءَ مھکمٰں ایمنی ءُ برجائی ءِ ایوکیں مول ءُ مراد آنی در جنگ ءِ واستہ پیسر انت، امریکہ ءُ طالبان ءِ نیام ءَ ایمنی سول ءُ تران آنی آسراتی بہ بیت یا اوگانستان ءَ طالبان ءِ کنٹرول ءَ چہ پد درکپگ ءِ کوشست بہ بنت پدا بنی آدم دوستی ءِ رد ءَ کار ءُ ازمت ءُ کمکی کاروائی بہ بنت، اے درستانی تہ ءَ پاکستان ءِ کرد لائک ءِ توسیپی انت، ایشی ءِ گوما پاکستان اوگانستان ءَ مھکمیں حکومت ءِ جوڑیشت ءِ ھوالگ ءَ زور پر دیگ ءَ انت۔
اوگان ایمنی کار آنی ھوالگ ءَ سیاسی سول ءُ تران آںی رد ءَ نزیکیں ھمساھگ انت، اوگانستان ءَ نہ گیگیں جاور، پناہ گیر آںی آیگ ءُ مزنیں کساس ءَ معاشی تاوان ءِ رنگ ءَ پاکستان درستاں چہ گیش آماچ بوتگ۔ پاکستان ءَ طالبان ءَ را امریکا ءِ گوما سول ءُ تران ءِ ٹیمبل ءَ نندگ ءِ واستہ تیار انت ایشی ءِ گڈی نتیجگ ایمنی سول ءُ تران آنی سر ءَ وت مہ وت تپاک کنگ ءِ رنگ ءَ دیم ءَ اتکگ، دگنیا پاکستان ءِ اے رد ءَ توسیپ ءَ کنگ ءَ انت۔
اوگانستان ءَ طالبان ءِ کنٹرول ءَ را دارگ ءَ چہ پد پاکستان یک انچیں ملک ات کہ والنٹری رنگ ءَ ہزارانی مردم آناں کابل ءَ چہ اسلام آباد ءَ چہ در کنگ ءَ کمک پجاری کتگ، اے مردم آناں گس ءُ ایندگر آسراتی پجاری کنگ بوتگ ءُ ایشاناں وتی منزل آناں تاں روانگی ءِ واستہ انتظامی کار آناں دل یکیمی جوڑ کتگ۔
اوگانستان ءَ استیں ڈکال ءِ باریگ ءَ پاکستان ءِ نیمگ ءَ اوگانستان ءِ الس آنی واستہ بنی آدم آنی گوما یکوئی ءِ بنیات ءَ کمک ءِ پجاری ءِ رد ءَ ھم جاڑی انت، پاکستان ءَ کابل، قندہار ءُ خواست ءِ واستہ بالی کشک ءَ چہ کمکی سامان روان داتگ، پاک اوگان کمکی فورم (پی اے سی ایف) ءِ نیمگ ءَ زمینی کشک ءَ چہ ھم بنی آدم دوستی بنیات ءَ کمک ءِ رنگ ءَ پاکستان ءِ نیمگ ءَ 300 ٹن ورگی ٹیل ءُ وردن ءُ وراکی سامان ءِ 17 ٹرک اوگانستان ءَ روان داتگ۔
پاک اوگان کمکی فورم پی اے سی ایف ءِ چیئرمین حبیب اللہ خان خٹک ءِ رد ءَ ما جتا جتائیں سیر لاپیں ءُ حکومت ءِ پاکستان ءِ کمک ءَ چہ سی-130 ءِ وسیلگ ءَ 32 ٹن آرت، شش ٹن کوکنگ آئل، دو ٹن درمان ءِ انتظامی کتگ۔ ھمے رنگ ءَ 300 ٹن وردن ءُ وراکی ٹیل ءَ چہ پُریں 17 ٹرک ءِ کمکی قافلہ اوگانستان ءَ روان دیگ بوتگ ایشانی تہ ءَ 65 ٹن شکر، ، سئے ٹن ڈال، 190 ٹن آرت، 11 ٹن کوکنگ آئل ءُ 31 ٹن دان ھوار انت۔ درکپگ ءِ مشن ءِ سرجمی ءُ بنی آدمی یکوئی ءِ بنیات ءَ کمکی کاروائی ءِ گوما پاکستان ءِ سروکی توامیں کمیونٹیز ءِ سروکی کنوکیں یک ٹوھیں حکومت ءِ جوڑ کنگ ءِ سوگند ءِ پیلو کنگ ءِ واستہ طالبان ءِ سر ءَ زور دات۔ تاجکستان ءِ استیں تر ءُ تاب ءَ چہ پد مزن وزیر عمران خان ءَ وتی ٹویٹس ءَ گوشت کہ اوگانستان ءَ ٹوھیں حکومت ءِ برجائی ءِ واستہ آئی ءَ طالبان ءَ گوں سول ءُ تران ءِ بنگیج کتگ۔
مزن وزیر ءَ گوشت کہ دوشنبے ءَ اوگانستان ءِ ھمساھگیں ملک آنی سروک آں گوں گند ءُ نند ھاسیں رد ءَ تاجکستان ءِ صدر امام علی رحمانوف ءَ گوں دراج بُریں گپ ءُ تران ءَ چہ پد آءی ءَ یک ھاسیں شمولیتی حکومت ءِ رد ءَ تانک، ہزارہ ءُ ازبک برات آنی اوگان حکومت ءَ ھوار بوھگ ءِ واستہ طالبان ءَ چہ سول ءُ تران ءِ بندات کتگ۔ مزن وزیر ءَ گوشت کہ 40 سال ءِ جنگ ءَ چہ پد (اے گروپ آنی سروکی ءَ ) ھواری یک ایمن ءُ برجمیں اوگانستان ءِ زامن بیت ایش ایوک ءَ اوگانستان ناں بلکینگ ءَ پڑ ءِ ھم سیت ءَ انت۔
یات دارگ بہ بیت کہ امریکا ءُ طالبان ءِ نیام ءَ ایمنی ءِ منوگری ءَ چہ پد انوگ ءَ تاں پاکستان دگنیا ءِ جاور آنی ھراب کنوک آںی کرد ءِ بابت ءَ مکن کنان ءُ پیداک انت، اے کرد اوگانستان ءَ اچبر ایمنی نہ لوٹ ایت۔ ھاسیں رنگ ءَ ھما وھد ءَ کہ توامیں اوگانستان ءِ ھمساھگیں ملک اوگانستان ءَ ایمنی ءِ واستہ کوشست کنگ ءَ انت اے رد ءَ بھارت کشاں چیل آناں دمینگ ءِ کوشست ءَ کنگ ءَ انت۔ چیا کہ امریکہ ارد ءِ در کپگ ءَ چہ پد اوگانستان ءَ بھارت ءِ سیت آناں تاوان رستگ۔
تاہم ، طالبان کی اقتدار میں واپسی سے بھارت کو ایک بڑا سفارتی دھچکا لگا ہے اور وہ افغانستان کے حوالہ سے اس خطے کا سب سے کمزورکھلاڑی بن گیا۔بھارت نے جھوٹ پر مبنی بیانیے سے افغان فورسز کی صلاحیتوں کے بارے میں دنیا کے سامنے ایک جعلی اورفرضی تصویرپیش کی لیکن یہ جعلسازی اس وقت عیاں ہوگئی جب تقریباً پوراافغانستان بغیرکسی بڑی مزاحمت کے طالبان کے کنٹرول میں آگیا۔دوسری جانب بھارت کے تمام ترپراپیگنڈہ اورتدبیروں سے قطع نظرپاکستان افغانستان میں دیرپا قیام امن اوراستحکام کے مشن کی پیروی کرتا رہا ، پاکستان تسلسل سے دنیا پرزوردے رہاہے کہ وہ جنگ سے متاثرہ ملک کواکیلا نہ چھوڑے۔
شنگھائی کمکی گل ءِ سروکیں دیوان ءَ چہ وتی گشتانک ءَ مزن وزیر عمران خان ءَ گوشت کہ دگنیا ءِ کرا اوگانستان ءَ را ھوار کنگ یا ایشرا ایوک یل کنگ ءِ دو ساپیں کشک انت۔ اوگانستان ءَ را ایوک یل کنگ ءَ چہ جاور نہ گیگ بنت۔ ایشی ءَ چہ ناشرکاری ءِ واکیہ آنی تہ ءَ گیشی بیت منشیات ءِ سمگلنگ ءُ میاں اوستمانی کرائم گیش بنت ءُ ھمساھگیں ملک آنی سر ءَ ھم رند پد سہرا بوت کناں۔
شنگھائی کمکی گل ءِ باسکیں ملک آنی لیکہ انت کہ ملک ءِ توامیں چاگردی، سیاسی، نسلی ءُ نیک راھی گروپ آنی سیت ءِ رد ءَ اوگانستان ءَ ریاستی طاقت ءِ کانودی بستار ءَ را برجا کنگ المی انت تانکہ جاور آناں گیش گہتر کنگ بہ بیت، ایمنی برجا بہ بیت، معاشی دیمروئی بہ بیت، ناشرکاری ءِ گوما مقابلہ کنگ بہ بیت ءُ ناشرکار ءُ منشیات ءُ ایندگر جرم آں گوں دست مانجنیں مردم آناں دزگیر کنگ بہ بیت۔
شنگھائی کمکی گل ءِ دیوان ءَ چہ پد جاڑی کتگیں جار ءِ رد ءَ باسکیں ملک اے گپ ءِ سر ءَ تپاک کتگ کہ سیاسی ءُ سفارتی رسانک، میاں اوستمانی کانود ءِ رد ءَ من اتگیں رھبند ءُ ڈسپلین آنی رد ءَ بہ بنت ءُ دمگی کشاں چیل آنی گیواری ءِ ایوکیں کشک ھمیشن انت۔ ایس سی او ءِ باسکیں ملک بوھگ ءَ ابید بھارت تنظیم ءِ مینڈیٹ ءَ را لگت مال کنگ ءَ انت بلکینگ ءَ اوگانستان ءُ پڑے ایمنی ءَ را ھراب کنگ ءَ کرد پیلو کنگ ءَ انت۔ راجی سلامتی ءِ مشیر ڈاکٹر معید یوسف ءَ برطانوی تاکبند، دی انڈیپینڈڈنٹ، ءَ شنگ بوھوکیں استیں سرھال نبشتہ کتگ کہ بھارت ءَ اوگانستان ءَ راستی ءَ را چیر دیگ ءِ واستہ دروگیں بیان آناں دمینگ بوتگ وھدیکہ پاکستان گوستگیں وھد ءِ وڑ ءَ مرچدی ھم وتی ساپ دلیں سرھال ءُ لیکہ آناں پیش کنگ ءَ انت۔ آئی ءَ گوشت کہ پاکستان ءَ اوگانستا ءَ جنگ ءِ ھلاسی ءِ واستہ مداسم سول ءُ تران ءُ سیاسی سول ءُ تران ءِ کمک کتگ۔ مرچی اوگانستان ءُ دگنیا یک ارزشتیں ایں دمک ءِ تہ ءَ انت۔ پاکستان گوست ءِ وڑ ءَ مرچی ھم ساپ دلیں لیکہ ءَ را پیش کنگ ءَ انت اے دلگوشی گپ ات۔ آئی ءَ گوشت کہ پاکستان نوکیں اوگان حکومت ءِ امیت ھما وڑی انت ھما وڑ کہ روبرکت ایگ انت۔ آئی ءَ گوشت کہ پاکستان ءَ مدام جوڑیشتی کرد پیلو کتگ، ھمے رنگ ءَ اوگانستان ءَ ایمنی ءُ برجائی ءَ چہ اوگانستان ءَ پد درستاں چہ گیش سیت پاکستان ءَ را رس ایت۔
