اسلام آباد۔ 20ستمبر (اے پی پی) وزیرخارجہ مخدوم شاہ محمود قریشی اقوام متحدہ نا جنرل اسمبلی نا ہفتاد ءُ شش می دیوان اٹی بشخ ہلنگ کن دوشنبے نادے آ نیویارک آ روانہ مس، وخت اس کہ وزیراعظم عمران خان اقوام متحدہ نا جنرل اسمبلی نا دیوان آن ویڈیو لنک انا کمک اٹ تران کیک، وزیرخارجہ نیویارک اٹی اڈ ہلوک آ ہفتاد ءُ شش می اقوام متحدہ جنرل اسمبلی دیوان نا وخت آ چندی ملک آتا وزیرخارجہ، اقوام متحدہ نا بڑزکو عہدیدار آتون اوار اہم شخصیت آتون اوڑدہی و نیویارک اٹی کونسل آن فارن ریلیشنز تون اوار چندی فورم تیٹی شرکت و گپ وتران کیک۔ وزیرخارجہ نیویارک اٹی اڈکننگ نا وخت آ پاکستانی امریکن کمیونٹی تون اوڑدہی کیک او ہندی و جہانی میڈیا نمائندہ غاتون گپ وتران کیک و چندی علاقائی و جہانی امور آ پاکستان نا نقطہ نظرآن معلومدار کیک۔
