راولپنڈی۔ 20ستمبر (اے پی پی) قطبی وزیرستان اٹی سیکورٹی فورس آتا آپریشن اٹی ٹی ٹی پی نا دہشت گرد کمانڈر زوال کرے وخت اس کہ بھلو کچ اسے ٹی سلہہ و گولہ بارود دوئی کننگا۔ پاک فوج انا شعبہ تعلقات عامہ نا رداٹ سیکورٹی فورس آک قطبی وزیرستان اٹی معلومداری تیا مبنی آپریشن اس کریر ہراٹی ٹی ٹی پی نا دہشت گرد کمانڈر صفی اللہ خلنگا۔ دہشت گرد صفی اللہ نا تعلق میر علی آن ئس و او فروری 2021اٹی اسہ این جی او سے نا 4زالبول نا کسفنگ و نومبر 2020اٹی ایف ڈبلیو او نا انجینئرآتا ٹارگٹ کلنگ اٹ اوار ئس۔ او سیکورٹی فورس آتیا آئی ای ڈی جلہو آتا ڈٹ بندی و اوفتیا عملدرآمد، بھتہ خوری و برمتہ برائے تاوان نا واردات آتے ٹی ہم اوار ئس۔ سیکورٹی فورس آک آپریشن اٹی بھلو کچ اسے ٹی سلہہ و گولہ بارود ہم دوئی کریر۔
